قازاقستانداعى ەڭ قىمبات ۇيلەرگە «krisha.kz» شولۋ جاسادى، دەپ حابارلايدى Almaty-akshamy.kz Massaget.kz-كە سىلتەمە جاساپ.
وڭىرلەردە سيرەك جاعدايلاردى قوسپاعاندا، ەڭ قىمبات جانە ەليتالىق كوتتەدجدەر 400 ملن تەڭگە توڭىرەگىندە، اۋدانى بويىنشا - ەڭ ۇلكەنى 500 ش.م. اتىراۋ، قىزىلوردا مەن تارازدا كوتتەدجدەر قۇنى ساۋلەتىنە قاراي باعالانسا، ورال، قاراعاندى مەن اقتاۋدا – ەڭ الدىمەن ءۇيدىڭ ورنالاسقان جەرى ەسكەرىلەدى
ەلىمىزدەگى ەڭ قىمبات كوتتەدج الماتى قالاسىندا ورنالاسقان جانە ونىڭ قۇنى 5،8 ملرد تەڭگە.
شىمكەنت - 721 ميلليون تەڭگە
وڭتۇستىك قازاقستان وبلىسىنا تيەسىلى، يمپەريا ستيلىندە سالىنعان بۇل ءزاۋلىم ءۇي 5ء-شى ورىندا. جالپى اۋدانى - 1000 شارشى مەتر. 3 اۆتوكولىككە ارنالعان گاراج، ۆاننا بولمەسى مەن دەمالىس بولمەسى بار ودان وزگە ساۋنا، سپورت زال، باسسەين ورنالاسقان. ءۇيدىڭ ەكىنشى قاباتىندا اس ءۇي، قوناق بولمە، زال، كەڭسە جانە ۇلكەن زال بار. ءۇشىنشى قاباتتا 7 جاتىن بولمە.
اقمولا وبلىسى - 811 ميلليون تەڭگە
اقمولا وبلىسىنا تيەسىلى بۇل ءۇي 811 ميلليون تەڭگە. ءۇيدىڭ جالپى اۋدانى 819 شارشى مەتر بولاتىن سەگىز بولمەدەن تۇرادى. سىرتى جانە ءىشى اعاشپەن بەزەندىرىلگەن. ۇلكەن كامين زالى كورگەن ادامدى تاڭ قالدىرادى. 35 سوتتىق جەرى تاس قورشاۋمەن قورشالعان. سونداي-اق، قىزمەتكەرلەرگە ارنالعان ەكى ءۇي، مونشا كەشەنى، ساۋنالاردىڭ بىرنەشە ءتۇرى، باسسەين، بيليارد جانە سپورت زالى بار.
الماتى وبلىسى 894 ميلليون تەڭگە
ءدال وسى سوماعا ەسىك اۋىلىنان سۋ جاڭا ءۇي ساتىلىمعا شىعارىلدى. ءۇيدىڭ جالپى اۋدانى - 832 شارشى مەتر، ال ۋچاسكەنىڭ جالپى اۋدانى 100 سوتىق. ءۇي ەكولوگيالىق تازا اۋداندا ورنالاسقان. الاڭدا باسسەين، مونشا، قىسقى ب ا ق، كۇزەت ءۇيى جانە قىزمەت كورسەتەتىن پەرسونالدارعا ارنالعان جەكە ءۇي بار. لاندشافت ديزاين جوباسى ارقىلى جاسالعان ءزاۋلىم ءۇيدىڭ بارلىق بۇرىشتارىنا وسىمدىكتەر وتىرعىزىلعان. بەلسەندى ءومىر سالتىن ساقتاۋ ءۇشىن اۋماقتا بالالار ويىن الاڭى مەن فۋتبول الاڭى بار.
استانا - 2،5 ميلليارد تەڭگە
وسى سوماعا ەسىل وزەنىنىڭ جاعالاۋىنداعى "اقبۇلاق" اۋدانىندا ورنالاسقان جالپى اۋدانى 1،200 شارشى مەتردى قۇرايتىن ءۇيدى ساتىپ الا الاسىز. جەردىڭ جالپى اۋدانى - 120. ءۇيدىڭ بەزەندىرىلۋى جانە ونىڭ جيھازدارى كلاسسيكالىق ستيلدە جاسالعان. ۇيدە ءارقايسىسىنىڭ جەكە شكافى مەن جۋىناتىن بولمەسى بار سونداي-اق، بەس جاتىن بولمە، ەكى زال، جۇمىس بولمەسى، اس ءۇي، اسحانا جانە جازعى تەرراسا بار. جىلدىڭ كەز-كەلگەن ۋاقىتىندا جۇزۋگە بولاتىن باسسەين جانە ساۋنا، سونداي-اق 7 اۆتوكولىك گاراجى بار. اۋماق بيىك قورشاۋمەن قورشالعان، ۋچاسكەدە لاندشافتى ديزاين جاسالىنعان، جەمىس اعاشتارى مەن قاراعايلار وتىرعىزىلعان.
الماتى - 5،8 ميلليارد تەڭگە
ءزاۋلىم ساراي ىلە الاتاۋى تاۋىنىڭ ەتەگىندە، وسپانوۆ كوشەسىندە ورنالاسقان. الىپ جاتقان ۋچاسكەنىڭ جالپى اۋماعى-180. جىلجىمايتىن مۇلىك 900، 800 جانە 400 شارشى مەترلىك ءۇش كىرپىش ۇيدەن تۇرادى. سونىمەن قاتار، 340 شارشى مەتر اعاش ءۇي بار. سونداي-اق، جىلجىمايتىن مۇلىككە جابدىقتالعان جاتتىعۋ زالى مەن باسسەينى، مونشا كەشەنى (1000 شارشى مەتر) جانە بانكەت زالى، جازعى اس ءۇيى (250 شارشى مەتر) كىرەدى. بالالار، ويىن جانە سپورت الاڭدارى بار.