الماتىدا داۋىس بەرگەن دجيۋ-دجيتسۋدان ەڭبەك سىڭىرگەن سپورت شەبەرى ەرلان تىلەۋىمبەتوۆ ەل مۇددەسى بارىنەن بيىك تۇرۋى ءتيىس دەپ سانايدى.
«سايلاۋدىڭ ماڭىزى جوعارى. سوندىقتان داۋىس بەرۋگە كەلدىك. حالىق قامىن ويلايتىن دەپۋتات تاڭدالادى دەگەن سەنىمدەمىز. حالىق سەنىم ارتقان دەپۋتاتتار ادال جۇمىس ىستەپ، سايلاۋالدى باعدارلاماسىندا كەلتىرگەن ماسەلەلەردى شەشسە ەكەن. مىنەكي، سول ۋاقىتتا عانا ءىس ونەدى.
سايلاۋشىلاردىڭ سەنىمىن اقتاۋ ماڭىزدى. دەپۋتات تەك قانا حالىققا قىزمەت جاساۋى كەرەك. ءدال قازىرگى ساتتە ەلدىڭ مۇددەسى بارىنەن بيىك تۇرۋعا ءتيىس.
بۇگىندە سپورتشىلار دا پارلامەنتكە ۇمىتكەر بولۋدا. ولار دا مانداتتىققا ءوتىپ، سپورتتى قارجىلاندىرۋ، بۇقارالىق سپورتتى دامىتۋ سالاسىنا دەن قويسا ەكەن. جارىستارعا شىعۋ، باپكەردىڭ جالاقىسى، سپورت كەشەندەرىن سالۋ جاعىن قولعا الۋ قاجەت. بۇل تاراپتان ىزگىلىكتى ىستەر بارشىلىق. وسىنى توقتاتپاي، سپورت سالاسىن دامىتسا دەگەن تىلەگىمىز بار. سول ماقساتپەن وسى سايلاۋعا اتسالىسىپ، تاڭداۋىمىزدى جاسادىق»، - دەيدى سپورت شەبەرى.