بۇل - شەتەلدە جۇرگەن وتانداستارىمىزدىڭ 42 پايىزى.
ق ر وسك مالىمەتىنشە، شەتەلدەگى سايلاۋ ۋچاسكەلەرىندە شامامەن 5 مىڭ قازاقستاندىق داۋىس بەردى، دەپ حابارلايدى Almaty-akshamy.kz
بۇل شەتەلدە جۇرگەن وتانداستارىمىزدىڭ 42 پايىزىن قۇرايدى. جالپى، شەتەلدە جۇرگەن ازاماتتارىمىزدىڭ سانى - 12 016.
بۇگىن ساعات 18:00-دەگى جاعداي بويىنشا شەتەلدەردەگى 11 سايلاۋ ۋچاسكەسى جۇمىسىن اياقتادى جانە ءقازىر 66 ۋچاسكە جۇمىسىن جالعاستىرىپ جاتىر.
«12 حالىقارالىق ۇيىم مەن 41 شەت مەملەكەتتەن اككرەديتتەلگەن شەتەلدىك بايقاۋشىلاردىڭ جالپى سانى 793 ادامدى قۇرادى. سونىمەن قاتار سايلاۋدى باقىلاۋعا 246 شەتەلدىك جۋرناليست قاتىسۋدا. استانا مەن الماتى قالالارىندا «حالىقارالىق بايقاۋشىلار مەن شەتەلدىك ب ا ق وكىلدەرىنە جاردەمدەسۋ ورتالىقتارى» اشىلدى. اتالعان ورتالىقتار بارلىق قاجەتتى تەحنيكالىق جابدىقتارمەن قامتاماسىز ەتىلگەن جانە بۇگىن تاڭەرتەڭنەن باستاپ بايقاۋشىلار بريفينگتەر مەن كونفەرەنسيالار فورماتىندا ءوز پىكىرلەرىن ءبىلدىرىپ جاتىر»، دەدى ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو.
جالپى، شەتەلدەگى داۋىس بەرۋ 20 ناۋرىز كۇنى تاڭەرتەڭگى ساعات 09:00-دە سان-فرانسيسكوداعى سايلاۋ ۋچاسكەسىندە اياقتالادى.
62 شەت مەملەكەتتەگى ديپلوماتيالىق وكىلدىكتەرى جانىندا 77 سايلاۋ ۋچاسكەسى ورنالاسقان.