قازاقستاننىڭ 15 وڭىرىندە ءماجىلىس پەن جەرگىلىكتى ءماسليحاتتار دەپۋتاتتارىن سايلاۋ اياقتالدى، -دەپ حابارلايدى اlmaty-akshamy.kz قازاقپارات-قا سىلتەمە جاساپ.
استانا ۋاقىتىمەن ساعات 18:00-دەگى جاعداي بويىنشا سايلاۋشىلار تىزىمىنە ەنگىزىلگەن رەسپۋبليكانىڭ 6 390 046 ازاماتى بيۋللەتەن الدى. بۇل جالپى سايلاۋشىلاردىڭ 53،11 پايىزىن قۇرايدى.
قازىرگى ۋاقىتتا ەلىمىزدىڭ 5 وڭىرىندە، اتاپ ايتقاندا، اقتوبە، اتىراۋ، باتىس قازاقستان، قىزىلوردا جانە ماڭعىستاۋ وبلىستارىندا داۋىس بەرۋ جالعاسۋدا. بۇل وڭىرلەردە سايلاۋ ۋچاسكەلەرى ەلوردا ۋاقىتىمەن ساعات 21-00-دە جابىلادى.
ايتا كەتەرلىگى، قازاقستاننىڭ 62 شەت مەملەكەتتەگى وكىلدىكتەرى جانىنان 77 سايلاۋ ۋچاسكەسى اشىلعان بولاتىن. ولاردا 12 016 ادام داۋىس بەرۋى ءتيىس. استانا ۋاقىتىمەن ساعات 18:00-دە شەتەلدەردەگى 11 سايلاۋ ۋچاسكەسى جۇمىسىن اياقتادى جانە ءقازىر جۇمىس ىستەپ جاتقان ۋچاسكەلەردى قوسقاندا شامامەن 5 مىڭ قازاقستان ازاماتى داۋىس بەردى. بۇل 42 پايىزدى قۇرايدى. 66 ۋچاسكە جۇمىسىن جالعاستىرىپ جاتىر. جالپى، شەتەلدەگى داۋىس بەرۋ 20 ناۋرىز كۇنى تاڭەرتەڭگى ساعات 09:00-دە سان-فرانسيسكوداعى سايلاۋ ۋچاسكەسىندە اياقتالادى.
ورتالىق سايلاۋ كوميسسياسى ازاماتتاردىڭ ۋچاسكەلەرگە كەلۋى تۋرالى ساعات 20:10-دا جانە 22:10-دا اقپارات ۇسىناتىن بولادى.