مۋلتيمەديالىق پورتال جۇيەسى بار
بۇل تۋرالى «جەلمايا» جوباسىنا سۇحبات بەرگەن «جولاۋشىلار تاسىمالى» اق رەسمي وكىلى ءمادي مۇحامەدقالي مالىمدەدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
سونداي-اق ەلىمىزدىڭ كەڭ بايتاق دالاسىن ساياحاتتاعان جولاۋشى پويىزدا زەرىكپەس ءۇشىن ينتەرنەت ورناتىلا ما دەگەن ماسەلەگە توقتالدى.
«Wi-Fi ورناتۋ ماسەلەسىنە كەلسەك، ونى سيفرلىق دامۋ مينيسترلىگى قاراستىرعانى دۇرىس دەپ ويلايمىن. ءبىز پويىزدا ينتەرنەت قوسىلىپ جاتسا، ارينە قارسى ەمەسپىز»، - دەپ اعىنان جارىلدى كومپانيانىڭ رەسمي وكىلى.
ايتۋىنشا، تالگو پويىزىمەن جولعا شىققاندار ءۇشىن ارنايى پورتال جۇمىس ىستەپ تۇر.
«تالگودا ينتەرنەت ەمەس، مۋلتيمەديالىق پورتال دەپ اتالاتىن ءوزىنىڭ ارنايى جۇيەسى بار. سول ارقىلى جولدا كەلە جاتىپ كينو، مۋلتفيلم، باعدارلامالاردى تاماشالاۋعا بولادى. ايتا كەتەرلىگى، ول جەردە ۇلتتىق باعىتتاعى فيلمدەر كوپ جۇكتەلگەن. ۇلتتىق كينولاردى ءبىز كورسەتپەسەك، باسقا كىم كورسەتەدى دەگەن ويمەن سولاي جاسالدى»، - دەيدى ءمادي مۇحامەدقالي.