ارنايى قاۋلى قابىلداندى
ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا رەسەي فەدەراسياسىمەن جانە وزبەكستان رەسپۋبليكاسىمەن مەملەكەتتىك شەكارا ارقىلى 12 اۆتوموبيل وتكىزۋ پۋنكتىنىڭ جۇمىسىنا تىيىم سالۋدى الىپ تاستاۋ تۋرالى شەشىم قابىلدادى، دەپ حابارلايدى Almaty-akshamy.kz.
2022 جىلعى 12 شىلدەدەن باستاپ قازاقستان رەسپۋبليكاسى ۇكىمەتىنىڭ قاۋلىسىنا سايكەس مىناداي اۆتوموبيل وتكىزۋ پۋنكتتەرىنىڭ جۇمىسى قايتا باستالادى:
- رەسەي فەدەراسياسىمەن شەكارا ارقىلى (قوندىباي، اقبالشىق، قىزىلجار، نايزا، جەزكەنت، بايتانات، قويانباي، وردا، شاعان، قاراشاتاۋ)؛ - وزبەكستان رەسپۋبليكاسىمەن (سەليننىي جانە سىرداريا) شەكارا ارقىلى.
«بۇل رەتتە، ق ر دەنساۋلىق ساقتاۋ مينيسترلىگى ەل تۇرعىندارى اراسىندا كوروناۆيرۋس ينفەكسيانىڭ تارالۋىنا جول بەرمەۋ ماقساتىندا ازاماتتارعا ۋاقتىلى كوروناۆيرۋس ينفەكسياسىناا قارسى ۆاكسيناسيادان نە ريەۆاكسيناسيادان ءوتۋدى ۇسىنادى»، - دەلىنگەن حابارلامادا.