قازاقستاندىقتاردىڭ جازعى دەمالىستى قايدا وتكىزەتىنىن ساراپشىلار ساۋالناما ارقىلى زەرتتەپ كوردى.
وعان قاتىسقان 4000 رەسپوندەنتتىڭ 25%-ى دەمالىسىن ەلدە، 17%-ى شەتەلدە، 13%-ى قالا سىرتىندا وتكىزۋدى جوسپارلاعان. ال قالعان 45%-ى قارجىلىق سەبەپتەرگە بايلانىستى ەل اۋماعىنان شىعا المايدى. شەتەلدە دەمالۋعا نيەتتىلەردىڭ 40%-ى تۇركيانى تاڭداعان. ودان كەيىن تىزىمدە بىرىككەن اراب امىرلىكتەرى، مىسىر مەن تايلاند تۇر، دەپ حابارلايدى Almaty-akshamy.kz.
ىشكى ءتۋريزمدى قولدايتىندار ءۇشىن ءبىرىنشى ورىندا – الاكول. بۋراباي مەن بالقاش جاعاسىندا دەمالۋشىلار دا كوپ. جالپى جاعدايى ورتاشا قازاقستاندىق وتباسى سىرتقى تۋريستىك باعىتتارعا 1 ميلليون، ال ەل ىشىندەگى دەمالىسقا 300 مىڭ تەڭگەدەن كوپ ەمەس اقشا جۇمساۋعا دايىن ەكەنىن جازعان.