توتەنشە جاعدايلار ءمينيسترى يۋريي يلين سۋعا باتقاندار جايلى سوڭعى مالىمەتتەردى ءبولىستى، دەپ حابارلايدى Almaty-akshamy.kz.
«وتكەن جىلى سۋعا باتقاندار سانى 43%-عا ازايعانىمەن، وكىنىشكە قاراي، جاعداي جاقسارماي تۇر. سوڭعى 3 جىلدا 1 مىڭنان استام ادام سۋدا قازا بولدى (1103 ەرەسەك، 321 بالا). جىل باسىنان بەرى ەلىمىزدىڭ سۋ ايدىندارىندا 69 ادام قۇتقارىلدى، ونىڭ ىشىندە 15ء-ى - بالا، شومىلۋ ماۋسىمى باستالعاننان بەرى 11 ەرەسەك، ونىڭ ىشىندە 2-ەۋى - بالا. بۇل رەتتە 45 ادام سۋعا كەتىپ قازا بولدى، ونىڭ ىشىندە 14 كامەلەتكە تولماعان بالا بار. سۋعا باتقانداردىڭ ەڭ كوبى اقتوبە، اباي جانە قوستاناي وبلىستارىندا»، - دەدى يۋريي يلين ۇكىمەت وتىرىسىندا.
ءمينيستردىڭ ايتۋىنشا، سۋعا كەتۋ قايعىلى وقيعاسىنىڭ نەگىزگى سەبەپتەرى - جابدىقتالماعان ورىنداردا شومىلۋ.
سونىمەن قاتار ەرەسەكتەردىڭ بالالاردى قاراۋسىز قالدىرۋى، ماس كۇيدە جانە شاماسىن باعالاماي سۋعا ءتۇسۋ دە - وسىعان سەبەپ.
«ءاليحان اسحان ۇلى، بيىل ناۋرىز ايىندا سۋعا شومىلۋ ماۋسىمىندا الدىن الۋ جۇمىسىن ۋاقىتىلى ۇيىمداستىرۋ ءۇشىن مينيسترلىك بارلىق دەڭگەيدەگى مينيسترلىكتەر مەن اكىمدىكتەردىڭ ناقتى مىندەتتەرىن كوزدەيتىن «شومىلۋ ماۋسىمى كەزىندەگى قاۋىپسىزدىك شارالارى تۋرالى» بۇيرىقتى بەكىتتى. سونىمەن قاتار ءساۋىر ايىندا ورتالىق جانە جەرگىلىكتى اتقارۋشى ورگانداردى بيىلعى سۋعا شومىلۋ ماۋسىمىنا دايىندىق تۋرالى» كۇن تارتىبىمەن ۆەدومستۆوارالىق كوميسسيا وتىرىسى وتكىزىلدى»، - دەيدى ۆەدومستۆو باسشىسى.
بۇعان دەيىن تايلاندتا سۋعا كەتىپ، دەنەلەرىن جەتكىزۋ ماسەلەسى قارالىپ جاتقانى جايىندا حابارلاعان ەدىك.