الماتى قالاسى مەدەۋ اۋدانىنىڭ پروكۋراتۋراسى جۇرگىزگەن تالداۋ، قالاداعى بىرنەشە بانكتەر تارپىنان مۇمكىندىگى شەكتەۋلى ادامداردىڭ قۇقىقتارى بۇزىلعاندىعىن انىقتادى، دەپ حابارلايدى Almaty-aksamy.kz
پروكۋرورلارمەن كەزدەسۋ بارىسىندا مۇگەدەكتەر قوعامىنىڭ وكىلدەرى قالاداعى ەكىنشى دەڭگەيلى بانكتەردىڭ (ەدب) بولىمشەلەرىنە قولجەتىمدىلىكتىڭ جوقتىعىن ايتىپ شاعىمدانعان.
ارنايى تەكسەرىس جۇرگىزگەن پروكۋرورلار قالاداعى بانكتەردىڭ بىردە-بىر بولىمشەسى قويىلعان تالاپتارعا سايكەس ەمەستىگىن انىقتادى، ياعني پاندۋستار، منەموسحەمالار، ارنايى كاسسالار تالاپقا ساي ەمەس،كەيبىرىندە مۇلدە جوق ەكەنىدىگىن انىقتاعان.
الماتىدا مۇمكىندىگى شەكتەۋلى 50 مىڭنان استام ادام تۇرادى.
«قازاقستان رەسپۋبليكاسىندا مۇگەدەكتەردى الەۋمەتتىك قورعاۋ تۋرالى» ق ر زاڭىنىڭ 14-بابىنا سايكەس قازاقستان رەسپۋبليكاسىنداعى مۇگەدەكتەر قازاقستان رەسپۋبليكاسىنىڭ كونستيتۋسياسىمەن، قازاقستان رەسپۋبليكاسىنىڭ باسقا دا زاڭنامالىق اكتىلەرىمەن بەكىتىلگەن، الەۋمەتتىك ينفراقۇرىلىم وبەكتىلەرىنە قول جەتكىزۋدى قامتاماسىز ەتۋ قۇقىعىن قوسا العاندا، بارلىق الەۋمەتتىك-ەكونوميكالىق جانە جەكە قۇقىقتارى مەن بوستاندىقتارىنا يە.
وسىعان بايلانىستى، قازاقستان رەسپۋبليكاسىنىڭ مۇگەدەكتىگى بار ادامداردى الەۋمەتتىك قورعاۋ تۋرالى زاڭناماسىن بۇزعانى ءۇشىن الماتى قالاسى ەڭبەك جانە الەۋمەتتىك قورعاۋ كوميتەتىنىڭ دەپارتامەنتىمەن 13 ەدب «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 83-بابى بويىنشا 9 ملن تەڭگەدەن استام سوماعا اكىمشىلىك جاۋاپتىلىققا تارتىلدى، - دەپ جازدى باس پروكۋراتۋرانىڭ ،باسپا ءسوز قىزمەتى.
سونىمەن قاتار ۋاكىلەتتى ورگان بارلىق بانكتەرگە بۇزۋشىلىقتاردى جويۋ جانە مۇگەدەكتىگى بار ادامدار ءۇشىن كوزدەلگەن جاعدايلاردى جاساۋ قاجەتتىگى تۋرالى ۇيعارىمدار بەردى.
قازىرگى ۋاقىتتا 8 بانك ءوز بولىمشەلەرىن تالاپقا سايكەستەندىرىپ ۇلگەردى، قالعاندارى ءتيىستى شارالار قابىلداۋدا.