قازاقستاندىق تەننيسشىلەر دەنيس ەۆسەيەۆ پەن بەيبىت جۋكايەۆ جۇپتىق سىندا كانزاس شتاتى ۋيچيتو قالاسىندا (اقش) ءوتىپ جاتقان ITF ءتۋرنيرىنىڭ جارتىلاي فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
جارىستىڭ ءۇشىنشى راكەتكالارى بولىپ تىركەلگەن قازاقستاندىق جۇپ شيرەك فينالدا ۇلىبريتانيالىق ديەۆيد فوكس – جاپونيالىق سيۋيتي سەكيگۋتيمەن شەبەرلىك بايقاستى. ءبىرىنشى پارتيادا د.ەۆسەيەۆ پەن ب.جۋكايەۆ 6:3 ەسەبىمەن باسىم ءتۇستى.
ەكىنشىسىندە دە سول قارقىندارىنان جاڭىلعان جوق – 6:2. ماچ ءبىر ساعاتقا جۋىق ۋاقىتقا سوزىلدى. قازاقستاندىق جۇپ فينالعا شىعۋ ءۇشىن دودانىڭ ەكىنشى راكەتكالارى، تايبەيلىك سيۋي يۋي يۋي – جاپونيالىق يۋتا شيميزۋمەن تالاسادى. ەسكە سالا كەتەيىك، بۇدان بۇرىن قازاقستاندىق تەننيسشىلەردىڭ اقش-تاعى ءتۋرنيردى جەڭىسپەن باستاعانىن، اننا دانيلينانىڭ ەۋروپاداعى جارىستىڭ فينالىنا جولداما العانىن جازعان بولاتىنبىز. سونداي-اق اقش-تاعى ءتۋرنيردىڭ شيرەك فينالىندا قازاقستاندىق تەننيسشىلەر ءوزارا كەزدەسەدى.