ەكس-مينيستر اجار عينيات اۋىر جاراقات العان الۋانىڭ قازىرگى جاعدايىن ايتتى، - دەپ حابارلايدى aqshamnews.kz.
بۇل تۋرالى ول الەۋمەتتىك جەلىدەگى پاراقشاسىندا ءبولىستى.
"كەشە ارىپتەستەرىممەن بىرگە اۋىر جاراقات العان الۋا ەسىمدى قىزدىڭ وتباسىنا باردىق. جول-كولىك وقيعاسى سالدارىنان سەگىز جاستاعى ءبۇلدىرشىن ەكى اياعىنان ايىرىلدى"، - دەپ جازدى عينيات.
ونىڭ ايتۋىنشا، بۇل جاعداي بولعاننان باستاپ ورتالىق الۋاعا قاجەتتى كومەكتى كورسەتۋ جولدارىن قاراستىرىپ كەلەدى. باستاپقىدا پروتەز ورناتىلعاننان كەيىن كەشەندى وڭالتۋ كۋرسىن ۇسىنۋدى جوسپارلانعان. الايدا قىزدىڭ اناسى ماحابباتتىڭ ۋايىمى مەن الۋانىڭ مازاسىز كۇيى كومەكتى ءدال ءقازىر باستاۋ قاجەت ەكەنىن كورسەتكەن.
"ءقازىر الۋا قالالىق اۋرۋحانادا ەم الىپ جاتىر. كەشە اناسى ماحابباتپەن كەزدەسۋدە اۋرۋحانادان شىققان سوڭ قىزىمىز ءبىزدىڭ ورتالىقتا كەشەندى وڭالتۋ كۋرسىنان وتەتىن بولىپ كەلىسىلدى. بۇل كەزەڭدە ماماندارىمىز ونىڭ فيزيكالىق جاعدايىن قالپىنا كەلتىرۋمەن قاتار، پسيحولوگيالىق جانە الەۋمەتتىك بەيىمدەلۋىنە دە جان-جاقتى قولداۋ كورسەتەتىن بولادى. الۋاعى كومەك كورسەتۋ- ءبىزدىڭ كاسىبي بورىشىمىزدان بۇرىن، ادامي جاۋاپكەرشىلىگىمىز"، - دەدى ول.
ەسكە سالايىق، 3 ماۋسىمدا استانادا جولاۋشىلار مىنگەن اۆتوبۋس جول اپاتىنا ءتۇسىپ، بىرنەشە ادام زارداپ شەككەن ەدى. سونىڭ ءبىرى – الۋا بەكەن ەكى اياعىنان ايىرىلدى. الۋانىڭ وتباسىنا 30 ملن تەڭگە اقشالاي كومەك كورسەتىلدى. كەيىننەن قالا اكىمى جەڭىس قاسىمبەك قىزدىڭ وتباسىنا باسپانا بەرىلەتىنىن ايتتى.