الماتى اكىمى دارحان ساتىبالدى «كەلەشەك مەكتەپتەرى» جوباسى اياسىندا سالىنىپ جاتقان مەكتەپ قۇرىلىسىن بيىل تامىز ايىنا دەيىن اياقتاۋدى تاپسىردى، - دەپ حابارلايدى aqshamnews.kz.
قالا باسشىسى دارحان ساتىبالدى جۇمىس ساپارى اياسىندا مەدەۋ اۋدانىن ارالاپ، قالانىڭ ءىرى اۋداندارىنىڭ ءبىرى رەتىندە ونىڭ دامۋىنا ارنالعان جوبالارمەن تانىستى.
ساپار شىعىس اينالما جولىنىڭ (شااج) ۋچاسكەسىنەن باستالدى. مۇندا جاسىل ايماقتاردى ءتيىستى كۇتىممەن قامتاماسىز ەتۋ ءۇشىن اۆتوماتتى سۋارۋ جۇيەسىن كۇردەلى جوندەۋدەن وتكىزۋ ماسەلەسى قارالدى.
قالا باسشىسى «تازا قازاقستان» رەسپۋبليكالىق باعدارلاماسى اياسىندا قالانى اباتتاندىرۋ جۇمىستارىن تىكەلەي ءوز باقىلاۋىنا الاتىنىن اتاپ ءوتتى.
"ءار ازامات مۇنداي ىسكە جاۋاپكەرشىلىكپەن قاراۋى ءتيىس. ءقازىر كوپتەگەن كافە، مەيرامحانا، دۇكەن يەلەرى اينالاسىن تازالاۋعا كەلگەندە بۇل ءىستى اكىمدىككە سىلتەيدى. الايدا تازالىق بارىمىزگە ورتاق مىندەت ەكەنىن ەسكەرىپ، بۇل جۇمىسقا ءبارى بىردەي اتسالىسۋى قاجەت"، – دەدى دارحان ساتىبالدى.
مەدەۋ اۋدانىنا قاراستى «دۋمان» شاعىناۋدانىندا حالىق سانىنىڭ وسۋىنە بايلانىستى جاڭا تۇرعىن ءۇي كەشەندەرى بوي كوتەرىۋدە. وسىعان وراي قالادا تاۋلىگىنە 500 ادامدى قابىلداي الاتىن وتباسىلىق-دارىگەرلىك امبۋلاتوريا سالۋ جوسپارى قاراستىرىلۋدا. اكىم تۇرعىندارمەن كەزدەسىپ، جاڭا ەمحانا اشىلعاننان كەيىن مەديسينالىق قىزمەتتەردىڭ بارلىق ساناتتاعى ازاماتتار ءۇشىن قولجەتىمدى بولاتىنىن جەتكىزدى.
بۇدان كەيىن قالا باسشىسى «كەلەشەك مەكتەپتەرى» ۇلتتىق جوباسى اياسىندا سالىنىپ جاتقان مەكتەپتىڭ قۇرىلىس الاڭىنا باردى. 2000 وقۋشىعا ارنالعان مەكتەپ جوباسىندا ءۇش قاباتتى وقۋ عيماراتى، جەرتولەدە ورنالاساتىن اسحانا، اكت زالى، جەكە اۆتوتۇراق پەن سپورت الاڭى قاراستىرىلعان. قالا اكىمى مەردىگەر كومپانياعا قۇرىلىس جۇمىستارىن اعىمداعى جىلدىڭ تامىزىنا دەيىن تولىق اياقتاپ، جاڭا وقۋ جىلىندا وقۋشىلاردىڭ ساباقتى جاڭا مەكتەپتە باستاۋىن قامتاماسىز ەتۋدى تاپسىردى.
جۇمىس ساپارى كەزىندە دارحان ساتىبالدى كابىلوۆ كوشەسىندە ورنالاسقان، ەكى جىلدان استام ۋاقىت بوس تۇرعان توعىز عيماراتتان تۇراتىن كەشەندى كورىپ شىقتى. بۇل اۋماقتا الەۋمەتتىك نىساندارعا دەگەن سۇرانىس جوعارى. وسىعان بايلانىستى نىسانداردى كوممۋنالدىق مەنشىككە وتكىزۋ ارقىلى ءتيىمدى پايدالانۋ ماسەلەسى كوتەرىلدى. قالا باسشىسى تۇرعىنداردىڭ قاجەتتىلىكتەرىن ەسكەرە وتىرىپ، بۇل ماسەلەنى جان-جاقتى قاراستىرۋدى تاپسىردى.
ساپار سوڭىندا قالا اكىمى «الماتى تازالىق» مەملەكەتتىك كوممۋنالدىق كاسىپورنىنىڭ بازاسىنا باردى. كاسىپورىن 361 شاقىرىمدىق كوشە-جول جەلىسىن قامتيدى، 157 ارنايى تەحنيكامەن جابدىقتالعان. مۇندا اكىم قالا ىشىندەگى جولداردى جىل بويى كۇتىمدەۋ جۇمىستارىمەن جانە تاۋلى اۋماقتارداعى جۇمىستاردىڭ بارىسىمەن تانىستى.
جۇمىس ساپارىنىڭ قورىتىندىسى بويىنشا دارحان ساتىبالدى كوشە-جول جەلىسىن تازالاۋ جۇمىستارىن قاتاڭ باقىلاۋعا الۋدى تاپسىردى. كوشەلەردىڭ كۇتىمسىزدىگىنە اۋدان كىمدەرى تىكەلەي جاۋاپ بەرەتىنىن ەسكەرتتى.