وعان مادەنيەت ءمينيسترى جانە ودان كەيىن ۇلتتىق مۋزەيدىڭ ديرەكتورى بولعان ۋاقىتىندا ۇرلىق جاساعان دەگەن ايىپتار تاعىلدى.
ارىستانبەك مۇحامەديۇلىنا جاڭا ۇكىم شىقتى، ءبىراق ءالى زاڭدى كۇشىنە ەنگەن جوق، دەپ حابارلايدى Almaty-akshamy.kz
ول بوتەننىڭ مۇلكىن ۇرلاۋدى ۇيىمداستىرعانى جانە وعان كومەكتەسكەنى ءۇشىن سوتتالدى
استانا قالاسىنىڭ سوتىنىڭ مالىمەتىنشە، استانا قالاسىنىڭ قىلمىستىق ىستەر جونىندەگى اۋدانارالىق سوتى ارىستانبەك مۇحامەديۇلىنا قاتىستى سوت ۇكىمىن شىعاردى.
«ول ءوزىنىڭ ورىنباسارلارىمەن الدىن الا ءسوز بايلاسۋ ارقىلى 2017-2019 جىلدار ارالىعىندا «الەم مۇراجايلارى بويىنشا التىن ادامنىڭ شەرۋى» حالىقارالىق كورمە جوباسىن ىسكە اسىرۋ شەڭبەرىندە "ە." ج ش س ديرەكتورىنىڭ ورىنباسارى مەن بۋحگالتەرىنىڭ كومەگىمەن 1،5 ملرد. تەڭگە سوماسىنا باعانى كوتەرۋ جولىمەن، قىزمەتتەر كورسەتۋدى جانە تاۋاردى تيەپ-جونەلتۋدى ءىس جۇزىندە ورىنداماي، اسا ءىرى مولشەردە جۇمساۋ جولىمەن قاراجاتتى جىمقىرعان»، – دەپ ايىپ تاقتى سوت.
تاعىلعان ايىپ تىزىمىندە بيۋدجەت قاراجاتىن جىمقىرۋدىڭ بىرنەشە فاكتىسى بار. سوتتا پروكۋرور ايىپتى قولداپ، سوتتالۋشىلارعا 2 جىلدان 12 جىلعا دەيىن باس بوستاندىعىنان ايىرۋ جازاسىن تاعايىنداۋدى سۇرادى. ال ادۆوكاتتار سوتتالۋشىلاردى اقتاۋدى سۇرادى.
«سوت ۇكىمىمەن ارىستانبەك مۇحامەدي ۇلى قىلمىستىق كودەكستىڭ 28-بابىنىڭ 3-بولىگى - 189-بابى 4-بولىگىنىڭ 2) تارماعى، 361-بابى 4-بولىگىنىڭ 3) تارماعى، 24-بابىنىڭ 3-بولىگى - 249-بابىنىڭ 1-بولىگى، 28-بابىنىڭ 3-بولىگى - 250-بابىنىڭ 1-بولىگىندە كوزدەلگەن قىلمىستىق قۇقىق بۇزۋشىلىقتار جاساعانى ءۇشىن كىنالى دەپ تانىلىپ جانە 13.02.2024 جىلعى ۇكىمدى ەسكەرە وتىرىپ، قك-نىڭ 58-بابى 6-بولىگىن قولدانا وتىرىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان جانە 11 جىلعا باس بوستاندىعىنان ايىرىلدى»، - دەپ جازدى استانا قالاسىنىڭ سوتى.
ق ر مادەنيەت جانە سپورت مينيسترلىگىنىڭ تالاپ ارىزى قاناعاتتاندىرىلىپ، 3،5 ملرد. تەڭگەدەن استام سومادا كەلتىرىلگەن زالال ءوندىرىلدى.