الماتىدا 208،4 ملرد. تەڭگەگە 3287 ءنومىرلى 23 قوناق ءۇيدىڭ قۇرىلىسى جۇرگىزىلىپ جاتىر. 2024 جىلى 7 قوناق ءۇيدىڭ قۇرىلىسىن اياقتاۋ جوسپارلانعان، قالعان جوبالار 2027 جىلعا دەيىن بىتەدى. بۇل تۋرالى الماتى قالاسى تۋريزم باسقارماسىنىڭ باسشىسى عاليا توقسەيىتوۆا مالىمدەدى.
ونىڭ ايتۋىنشا، بۇل قالانىڭ نومىرلىك قورىن ۇلعايتۋعا، سونىمەن قاتار تۋريستەردىڭ مەگاپوليستە بولۋ جايلىلىعىن ارتتىرۋعا مۇمكىندىك بەرەدى.
قازىرگى ۋاقىتتا مەگاپوليستە ءارتۇرلى ساناتتاعى 345 قوناق ءۇي بار. الماتى قالاسىنىڭ نومىرلىك قورى 11 454 بىرلىك، قوناق ءۇي نىساندارىنىڭ ءبىرجولعى سىيىمدىلىعى 21،8 مىڭ ورىننان اسادى.
2023 جىلدىڭ قورىتىندىسى بويىنشا الماتىدا جەكە ينۆەستيسيالار ەسەبىنەن 161 ورىنعا ارنالعان 4 قوناق ءۇي ينفراقۇرىلىمى نىسانى اشىلدى. ولاردىڭ ىشىندە: «Qazaq Auyl» مەيرامحانالىق كەشەنى بار ەكو-قوناق ءۇي، «Grand Mildom»، «Medeu camp»، «Dami hotel» قوناق ۇيلەرى بار.