بۇلار ەندى بەس جىلعا دەيىن بانكتەن كرەديت الا المايدى.
قازاقستاندا 10 مىڭعا جۋىق ازاماتتىڭ كرەديتى كەشىرىلدى، دەپ حابارلايدى Almaty-akshamy.kz
وسى ماقساتقا شامامەن 20 ميلليارد تەڭگەدەي قارجى جۇمسالدى. مەملەكەتتىك كىرىستەر كوميتەتىنىڭ مالىمەتىنشە، جەكە تۇلعالاردان 86 مىڭ ءوتىنىش كەلىپ تۇسكەن. ونىڭ جارتىسىنان كوبى ماقۇلدانباپتى. سەبەبى، بۇل ازاماتتاردىڭ بەرەشەگىن كەشىكتىرىپ تولەۋ مەرزىمى 12 ايدان اسپاعان.
بانكپەن نەسيە راسىمدەگەن قۇجاتىن دا جوعالتىپ سەرگەلدەڭگە تۇسكەنى بار. ال ەندى نە وزىندە، نە وتباسى مۇشەلەرىندە تىركەۋدە مۇلكى باردىڭ ءوتىنىشى و باستان ماقۇلدانباعان.
«جەكە تۇلعالاردى بانكروت دەپ تانۋ تۋرالى» زاڭ بىلتىردان باستاپ كۇشىنە ەنگەن. بۇل ساناتقا كىرگەندەر بەس جىلعا دەيىن بانكتەن كرەديت الا المايدى. سونداي-اق ونىڭ قارجى احۋالىنا ءۇش جىل بويى باقىلاۋ جۇرگىزىلەدى. جەتى جىل ىشىندە ءوزىن قايتادان بانكروت دەپ جاريالاي المايدى.
«9871 قازاقستاندىقتىڭ نەسيەسى كەشىرىلدى. سونىڭ ىشىندە، 944 ادامعا اتاۋلى الەۋمەتتىك كومەك تاعايىندالعان. بۇل ازاماتتاردىڭ ەندى قارجى ساۋاتىن ارتتىرۋ ءۇشىن جۇمىس ىستەيمىز»، - دەدى مەملەكەتتىك كىرىستەر كوميتەتى ءتوراعاسىنىڭ ورىنباسارى قايرات مياتوۆ.