ەلىمىزدە تامىز ايىنان بەرى كوروناۆيرۋس جۇقتىرۋ جاعدايلارى 16 ەسەگە تومەندەدى
ق ر دەنساۋلىق ساقتاۋ ءمينيسترىنىڭ مىندەتىن اتقارۋشى جاندوس بۇركىتبايەۆ قازاقستاندا كوروناۆيرۋس جۇقتىرۋ جاعدايلارى ازايعانىن ايتتى، دەپ حابارلايدى almaty-akshamy.kz.
«رەسپۋبليكادا وڭ پتر تەستىمەن كوروناۆيرۋس ينفەكسياسىنىڭ 984 079 جاعدايى جانە تەرىس پتر تەستىمەن 83 732 جاعدايى تىركەلدى، ناۋقاستاردىڭ 96%-دان استامى ساۋىعىپ شىقتى. 18 852 ناۋقاس ەمدەۋدى جالعاستىرۋدا. جالپى، قازاقستاندا سوڭعى ءتورت ايدا سىرقاتتانۋ 16 ەسەگە تومەندەدى»، - دەدى جاندوس بۇركىتبايەۆ ۇكىمەتتىڭ بۇگىنگى وتىرىسىندا. ونىڭ ايتۋىنشا، تامىز ايىمەن سالىستىرعاندا 1،2 ەسە تومەندەۋ بايقالادى جانە رەپرودۋكتيۆتىلىك سانى 0،9 قۇرايدى. «ينفەكسيالىق جانە رەانيماسيالىق توسەكتەردىڭ پايدالانىلۋى 19%-دى كورسەتتى، سوڭعى ءۇش ايدا ەمدەۋدى جالعاستىراتىن ادامدار سانى 4،5 ەسەگە ازايدى (قىركۇيەك ايىنداعى 84 268-دەن جەلتوقسان ايىندا 18 852 ناۋقاسقا دەيىن)»، - دەدى ج. بۇركىتبايەۆ.
الەم ەلدەرى بويىنشا، قازاقستان كۆي-گە قارسى ۆاكسينالاۋ بويىنشا 208 ەلدىڭ ىشىندە 103-ورىندا تۇر.