ءبىراق بۇل شەكتەۋدىڭ 18 جاسقا تولماعان، تۇراقتى مەديسينالىق قارسى كورسەتىلىمدەرى بار جانە كوروناۆيرۋسپەن اۋىرىپ شىققان ستۋدەنتتەرگە قاتىسى جوق.
قازاقستاننىڭ باس سانيتار دارىگەرىنىڭ جاڭا قاۋلىسىنا سايكەس، ۆاكسينا الماعان ستۋدەنتتەرگە جاتاقحاناعا ورنالاسۋعا تىيىم سالىنادى، دەپ حابارلايدى Almaty-akshamy.kz
«بوگدە ادامداردىڭ كىرۋىنە تىيىم سالا وتىرىپ، COVID-19-عا قارسى ۆاكسينا العان ستۋدەنتتەر (18 جاسقا تولماعان، سونداي-اق تۇراقتى مەديسينالىق قارسى كورسەتىلىمدەرى بار جانە كەيىنگى ءۇش اي ىشىندە كوروناۆيرۋسپەن اۋىرعان ستۋدەنتتەردى جاتاقحاناعا ورنالاستىرۋعا جول بەرىلەدى) جاتاقحاناعا ورنالاستىرىلسىن»، – دەلىنگەن اتالمىش قاۋلىدا.
وقۋ جىلى باستالعانعا دەيىن ۆاكسينانىڭ تولىق كومپونەنتىن الىپ ۇلگەرمەگەن ستۋدەنتتەر ەكپەنىڭ ەكىنشى دوزاسىن وقۋ ورنى ورنالاسقان اۋماقتاعى مەديسينا ۇيىمدارىندا الۋىنا بولادى.
ال شەتەلدىك ستۋدەنتتەر تۇرعىلىقتى ەلدىڭ ۋاكىلەتتى ورگانى راستاعان COVID-19-عا قارسى ۆاكسيناسيالاۋدىڭ تولىق دوزاسىن العان جاعدايدا عانا قازاقستان اۋماعىنا وقۋعا كىرگىزىلەدى.
«شەتەلدىك ستۋدەنتتەر شەكارادان وتكەننەن كەيىن 3 تاۋلىكتەن كەشىكتىرمەي پتر ادىسىمەن الىنعان COVID-19-عا تەستىلەۋدىڭ تەرىس ناتيجەسى بار بولعان جاعدايدا كۇندىزگى وقۋ فورماتىنا جىبەرىلسىن»، – دەپ جازىلعان قاۋلىدا.
سونىمەن بىرگە ستۋدەنتتەرگە ۋنيۆەرسيتەتكە Ashyq قوسىمشاسى ارقىلى كىرۋگە رۇقسات ەتىلەدى. بۇدان بولەك ۇستازداردىڭ، پەرسونال مەن ءبىلىم الۋشىلاردىڭ دەنە قىزۋى كۇن سايىن ولشەنەدى.