پاتەر ۇتىسىنىڭ ويىنىنا وسى جىلدىڭ 25 ماۋسىمى مەن 31 تامىزى ارالىعىندا ۆاكسينانىڭ ءبىرىنشى كومپونەنتىن الاتىن 18 جاستان اسقان قالا تۇرعىندارى قاتىسا الادى.
بۇل تۋرالى نۇر-سۇلتان قالاسىنىڭ اكىمى التاي كولگىنوۆ ءوزىنىڭ ينستاگرام پاراقشاسىندا جازدى، دەپ حابارلايدى Almaty-akshamy.kz.
«كوروناۆيرۋستىڭ تارالۋىن بولدىرماۋ جانە ۆاكسيناسيا جۇرگىزۋ بويىنشا شتاب وتىرىسىن وتكىزدىم. ءوز ورىنباسارلارىما، باسقارما باسشىلارىنا جانە اۋدان اكىمدەرىنە جەتەكشىلىك ەتەتىن سالالاردا ۆاكسيناسيالاۋدىڭ ماڭىزدىلىعى مەن قاجەتتىلىگىن جوعارى دەڭگەيدە ءتۇسىندىرۋ ءۇشىن جەكەلەگەن جاۋاپكەرشىلىك جۇكتەلدى.
ۇجىمدىق يممۋنيتەتتى قالىپتاستىرۋ ءۇشىن قالا حالقىنىڭ 60 پايىزدان استامى ۆاكسينالانۋى قاجەت. سانيتارلىق دارىگەرلەر كارانتيندىك قوسىمشا شەكتەۋلەر تۋرالى جاڭا قاۋلى دايىنداۋدا: قاۋىپ-قاتەر توبى ءۇشىن ۆاكسيناسيا مىندەتتى، ۆاكسيناسيالانباعان قىزمەتكەرلەردى قاشىقتان جۇمىس ىستەۋ رەجيمىنە كوشىرۋ جانە تاعى باسقا تالاپ ەتىلەدى.
قالا تۇرعىندارىن ىنتالاندىرۋ ءۇشىن باعالى سىيلىقتاردىڭ ۇتىس ويىنىن ەنگىزىپ جاتىرمىز. ال جاڭادان ۆاكسينالانعاندار اراسىندا ەكى بولمەلى پاتەر ويناتپاقپىز (ينۆەستورلار ەسەبىنەن). ۇتىس ويىنىنا قالا ەمحانالارىندا نەمەسە سوو/ءسۇ پۋنكتتەرىندە ەكپە العان قالا تۇرعىندارىنىڭ ءبارى قاتىسا الادى»، -دەدى قالا باسشىسى.
اكىمنىڭ ايتۋىنشا، پاتەر ۇتىسىنىڭ ويىنىنا وسى جىلدىڭ 25 ماۋسىمى مەن 31 تامىزى ارالىعىندا ۆاكسينانىڭ ءبىرىنشى كومپونەنتىن الاتىن 18 جاستان اسقان قالا تۇرعىندارى قاتىسا الادى. قىركۇيەك ايىنىڭ باسىندا ناتيجەسى جاريالانادى.
«كونكۋرستىڭ ءادىل ءوتۋى جانە ۆاكسيناسيالانعانداردى تولىعىمەن قامتۋ ءۇشىن (كورسەتىلگەن كەزەڭدە) IT-قوعامداستىقتى جۇمىلدىرامىز. ايتا كەتەيىن، بۇعان دەيىن «MEGA Silk Way» سوو ۆاكسينالانعاندار اراسىندا اۆتوكولىك ۇتىس ويىنى وتەتىنىن حابارلاعان. سول سياقتى سوو/ءسۇ پۋنكتتەرىندە ۆاكسينالانعاندار اراسىندا كومپيۋتەرلىك جانە تۇرمىستىق تەحنيكالاردىڭ، iPhone سمارتفونىنىڭ ۇتىس ويىندارى ويناتىلادى. سوڭعى كۇندەرى تۇرعىنداردىڭ ۆاكسينا الۋداعى بەلسەندىلىگى قۋانتادى. قالا تۇرعىندارى وسىلايشا ءوز دەنساۋلىعىنا جاۋاپكەرشىلىكپەن قاراي باستادى ءارى «دەلتا» شتامىنىڭ ءقاۋپىن ءتۇسىندى. ۆاكسينا الۋ – پاندەميامەن كۇرەستەگى جالعىز ءارى ءتيىمدى ءادىس!» - دەدى التاي كولگىنوۆ.