قازاقستاننىڭ ەكونوميكالىق دامۋىندا قايتا وڭدەۋ سالالارىنا باسىمدىق بەرۋ — ۋاقىت تالابى.
ەكونوميست يلياس يسايەۆتىڭ ايتۋىنشا، ەلدىڭ نەگىزگى ەكونوميكالىق سالالارىندا وڭ وزگەرىستەر بايقالىپ وتىر، الايدا شيكىزاتقا تاۋەلدىلىكتى ازايتىپ، قوسىلعان قۇنى جوعارى ونىمدەر وندىرىسىنە كوشۋ قاجەت.
«بiزگە اۋىل شارۋاشىلىعىندا، ونەركاسىپ سالاسىندا قايتا وڭدەۋ سالالارىن دامىتۋ قاجەت. شيكiزاتتى، تاۋ-كەن، قازبا بايلىقتارىن ەكسپورتتاي بەرمەي، قوسىلعان قۇنى جوعارى دايىن ءونiمدەردi شىعارىپ ەكسپورتتاعان دۇرىس»، — دەيدى ساراپشى.
اگروونەركاسىپ كەشەنى: رەكورد جانە ناتيجە
كەيىنگى جىلدارى اگروونەركاسىپ كەشەنىندە ايتارلىقتاي سەرپىلىس بار. 2024 جىلى بۇل سالا 13،7%-عا ءوسىپ، سالالار اراسىنداعى ەڭ جوعارى كورسەتكىشكە قول جەتكىزدى. ءداندى داقىلدار كولەمى 26،8 ميلليون توننا بولىپ، ونىمدىلىك 16،2 سەنتنەرگە دەيىن ارتتى. بۇل — كەيىنگى 12 جىلداعى رەكورد كورسەتكىش.
بۇل جەتىستىكتەر مينەرالدى تىڭايتقىشتاردى قولدانۋ كولەمىنىڭ 1،3 ملن تونناعا دەيىن ارتۋى مەن ەليتالىق تۇقىمداردى پايدالانۋ دەڭگەيىنىڭ 9،5%-عا دەيىن جەتۋى ارقىلى مۇمكىن بولدى. سونىمەن قاتار، 470 مىڭ گەكتارعا سۋ ۇنەمدەۋ تەحنولوگيالارى ەنگىزىلدى — بۇل كليماتتىق تاۋەكەلدەرگە بەيىمدىلىكتى ارتتىرا تۇسەدى.
«اگروونەركاسىپ كەشەنى وسى باعىتتا جاقسى دامىپ كەلەدi. سول سياقتى مۇنايدى قايتا تەرەڭ وڭدەۋ، گازدى تەرەڭ وڭدەۋ سالالارى قولعا الىندى، قايتا وڭدەۋ سالالارىنا شەت ەل ينۆەستيسيالارى تارتىلۋدا»، — دەيدى يسايەۆ.
2024 جىلى جالپى سوماسى 276،7 ملرد تەڭگە بولاتىن 286 ينۆەستيسيالىق جوبا جۇزەگە استى. ال 2025 جىلدىڭ قورىتىندىسى بويىنشا اۋىل شارۋاشىلىعى ءونىمىنىڭ جالپى كولەمى 8،5 ترلن تەڭگە بولادى دەپ كۇتىلەدى.
يمپورتتى ازايتىپ، وتاندىق ءونىمدى ارتتىرۋ
ساراپشىنىڭ پىكىرىنشە، باستى نازار — ىشكى نارىقتى وتاندىق دايىن ونىممەن قامتاماسىز ەتۋ جانە يمپورتتىق تاۋەلدىلىكتى ازايتۋ.
«بiزدiڭ تۇتىنۋ نارىعىمىزداعى يمپورتتى ازايتۋىمىز كەرەك. وسى باعىتتا ۇكiمەت وتە اۋقىمدى جۇمىستار اتقارىپ جاتىر. ونەركاسىپ سالاسىندا قايتا وڭدەۋ كاسiپورىندارىن سالۋ — بۇل دا كەزەك كۇتتiرمەيتiن شارۋا»، — دەيدى ەكونوميست.
دايىن استىق، مال جانە ەت ونىمدەرىن شيكى كۇيىندە ەكسپورتتاي بەرمەي، ولاردى تەرەڭ وڭدەپ، جوعارى ساپالى دايىن ءونىم رەتىندە سىرتقى نارىققا شىعارۋ – قازاقستاننىڭ كەلەشەك ەكونوميكالىق ستراتەگياسىنىڭ ماڭىزدى بولىگى.
«وسىلايشا iشكi نارىعىمىزدى وتاندىق دايىن ءونiمدەرمەن تولىقتىرامىز، يمپورتتى الماستىرامىز، مەملەكەتتiك بيۋدجەتتiڭ كiرiسi ارتادى»، — دەپ قورىتىندىلايدى يلياس يسايەۆ.