ءال-فارابي اتىنداعى قازاق ۇلتتىق ۋنيۆەرسيتەتىنىڭ «قارجى جانە ەسەپ» كافەدراسىنىڭ مەڭگەرۋشىسى، ەكونوميكا عىلىمدارىنىڭ كانديداتى عالىمجان كەرىمبەك مەملەكەت باسشىسى قاسىم-جومارت توقايەۆتىڭ ۇكىمەتتىڭ كەڭەيتىلگەن وتىرىسىندا ايتقان تاپسىرمالارىنا پىكىر ءبىلدىردى.
ۇزاق ەمەس، قىسقا مەرزىمدى جوسپارلاۋ:
ەكونوميستىڭ ايتۋىنشا، بۇگىنگى ەكونوميكادا قىسقا مەرزىمدى جوسپارلاۋ الدەقايدا ءتيىمدى.
– «ۇزاق مەرزىمدى جوسپارلاۋدان گورى، توقسان سايىن، جارتىجىلدىق نەمەسە ءبىر جىلدىق جول كارتالارىن ازىرلەپ، ناقتى قادامداردى انىقتاپ جۇمىس ىستەگەن دۇرىس. بۇل جوسپارلاردىڭ ىسكە اسۋىن باقىلاۋدى جەڭىلدەتەدى جانە تيىمدىلىكتى ارتتىرادى»، – دەدى ول.
ورىنسىز شىعىنداردى ازايتۋ:
عالىمجان كەرىمبەك پرەزيدەنتتىڭ ورىنسىز شىعىنداردى قىسقارتۋ جونىندەگى تاپسىرماسىن ەرەكشە اتاپ ءوتتى.
– «اتقارۋشى ورگاندار قاجەتى جوق شىعىندارعا قاراجات جۇمساۋدى توقتاتۋى كەرەك. ونىڭ ورنىنا، حالىققا ناقتى پايدا اكەلەتىن جوبالاردى قولعا العانى ءجون. كونفەرەنسيالار مەن جيىنداردىڭ سانىن ازايتىپ، ولاردى نەگىزىنەن ونلاين فورماتتا وتكىزۋ ارقىلى بيۋدجەت قاراجاتىن ۇنەمدەۋگە بولادى»، – دەپ اتاپ ءوتتى ەكونوميست.
ەكىنشى دەڭگەيلى بانكتەردىڭ ءرولى:
ساراپشى پرەزيدەنتتىڭ ەكىنشى دەڭگەيلى بانكتەرگە قاتىستى باستاماسىن قولدادى.
– «بانكتەر كەزىندە مەملەكەتتەن ۇلكەن قولداۋ كوردى. ەندى ولار شارۋا قوجالىقتارى مەن شاعىن جانە ورتا كاسىپورىندارعا، اسىرەسە ءونىم ءوندىرۋ مەن قىزمەت كورسەتۋ سالالارىندا جۇمىس ىستەيتىن سۋبەكتىلەرگە كومەكتەسۋى كەرەك. بۇل قىسقا مەرزىمدى تومەن پايىزبەن نەسيە بەرۋ سياقتى ناقتى قولداۋ شارالارى ارقىلى جۇزەگە اسۋى مۇمكىن»، – دەدى كەرىمبەك.
عالىمجان كەرىمبەكتىڭ پىكىرىنشە، وسى باعىتتاعى رەفورمالار قازاقستان ەكونوميكاسىنىڭ تۇراقتىلىعى مەن حالىقتىڭ ءال-اۋقاتىن ارتتىرۋعا ۇلكەن ۇلەس قوسادى.