بيىل قازاقستاننىڭ جالپى ىشكى ءونىمى 6 پايىزعا ءوستى، - دەپ حابارلايدى اqshamnews.kz ءتىلشىسى.
ۇلتتىق ستاتيستيكا بيۋروسىنىڭ الدىن الا دەرەكتەرىنە سايكەس، 2025 جىلعى قاڭتار-مامىر ايلارىندا قازاقستاننىڭ جالپى ىشكى ءونىمى بىلتىرعى وسى كەزەڭمەن سالىستىرعاندا 6 پايىزعا وسكەن.
مۇنداي ناتيجەگە ونەركاسىپ پەن قۇرىلىس سالالارىنان باستاپ ساۋدا، كولىك جانەبايلانىسقا دەيىنگى نەگىزگى سالالارداعى ءوسىم قارقىنىنىڭ جەدەلدەۋى ىقپال ەتتى.
ونەركاسىپ ءوندىرىسى 6،4 پايىزعا ارتتى. ەلدىڭ 17 وڭىرىندە ءوسىم بايقالدى: ەڭ جوعارى ءوسىم +22،9 پايىز كورسەتكىشىمەن كەن ءوندىرۋ، تىڭايتقىشتار، پورتلاندسەمەنت پەن قانت ءوندىرىسىنىڭ بەلسەندى دامۋىنىڭ ناتيجەسىندە جامبىل وبلىسىندا تىركەلدى. تۇركىستان جانە جەتىسۋ وبلىستارىندا ءوندىرىس 14،8 پايىزعا، الماتى قالاسىندا 14،1 پايىزعا ءوستى. شىمكەنت قالاسىندا ءوسىم 18،9 پايىزعا جەتتى.
اۋىل شارۋاشىلىعىنداعى ءوسىم 4،0 پايىزدى قۇرادى (ءقاڭتار-ساۋىر ايلارىنداعى 3،9 پايىزبەن سالىستىرعاندا). ەڭ ايقىن ءوسىم اتىراۋ وبلىسىندا (+10،4 پايىز)، سولتۇستىك قازاقستان وبلىسىندا (+7،5 پايىز) جانە اقمولا وبلىسىندا (+6،5 پايىز) تىركەلدى، بۇل نەگىزىنەن مال مەن قۇس سويىمىنىڭ ارتۋى ەسەبىنەن بولدى. تۇركىستان وبلىسىندا ءوسىم 6،3 پايىزدى، اباي وبلىسىندا – 3،6 پايىزدى، ال قوستاناي وبلىسىندا – 4،8 پايىزدى قۇرادى.
قۇرىلىس سالاسى قارقىندى دامىپ كەلەدى، 15،4 پايىزعا ءوستى. ون سەگىز وڭىردە ءوسىم تىركەلدى، ال ماڭعىستاۋ وبلىسىندا مەكتەپتەر، تۇششىتقىش زاۋىت، مۇناي جانە سۋ قۇبىرلارىن قايتا جاڭارتۋ، اۋداندىق اۋرۋحانا جانە اۆتوجولداردى جوندەۋ سياقتى اۋقىمدى جوبالاردىڭ ارقاسىندا جۇمىس كولەمى ەكى ەسەگە ارتتى. قىزىلوردا وبلىسىندا ءوسىم 64،5 پايىزدى، قوستانايدا – 57،8 پايىز، استانادا – 51،8 پايىز، تۇركىستان وبلىسىندا – 46،6 پايىز بولدى. تۇرعىن ءۇي قۇرىلىسى دا قارقىن الىپ كەلەدى: بەس ايدىڭ ىشىندە 6 ملن شارشى مەتردەن استام تۇرعىن ءۇي پايدالانۋعا بەرىلدى، بۇل بىلتىرمەن سالىستىرعاندا 5،7 پايىزعا كوپ. ەڭ بەلسەندى قۇرىلىس تۇركىستان وبلىسىندا (+25،5 پايىز)، شىمكەنت قالاسىندا (+23،4 پايىز) جانە الماتى وبلىسىندا (+20،4 پايىز) بايقالدى.
نەگىزگى كاپيتالعا سالىنعان ينۆەستيسيا18،2 پايىزعا ارتتى. بۇل ءوسىم كولىك، وندىرىستىك جانە الەۋمەتتىك ينفراقۇرىلىمعا، سونداي-اق جابدىقتار مەن جاڭا ونەركاسىپتىك نىساندارعا باعىتتالعان قارجى سالىمدارىنىڭ ەسەبىنەن قامتاماسىز ەتىلدى.
ساۋدا اينالىمى 7،8 پايىزعا ارتتى (ءقاڭتار-ساۋىر ايىنىڭ قورىتىندىسىنداعى 7،0 پايىزبەن سالىستىرعاندا). ىشكى ساۋدا قۇرىلىمىندا كوتەرمە ساۋدانىڭ ۇلەسى شامامەن 68 پايىزدى قۇرايدى. اعىمداعى جىلدىڭ قاڭتار-مامىر ايلارىندا كوتەرمە ساۋدا 8،3 پايىزعا، بولشەك ساۋدا 6،5 پايىزعا ءوستى.
ءوسىم قارقىنى بويىنشا تۇركىستان وبلىسى (+66،2 پايىز)، اقمولا وبلىسى (+48،9 پايىز) جانە شىمكەنت قالاسى (+23،1 پايىز) الدىڭعى قاتاردا.
بايلانىس جانە تەلەكوممۋنيكاسيا سالاسى 2،8 پايىزعا ءوستى. بۇل ينتەرنەت جەلىسى قىزمەتتەرى ەسەبىنەن (+13،9 پايىز).
كولىك سالاسى 23،1 پايىزدىق ءوسىم كورسەتتى — بۇل كوبىنەسە جۇك تەمىرجول كولىگىنىڭ (+17 پايىز) جانە قۇبىر ارقىلى تاسىمالداۋدىڭ وسۋىنەبايلانىستى (+13،8 پايىز). ەڭ جوعارى ءوسىم جەتىسۋ وبلىسىندا (+39،1 پايىز)، اباي وبلىسىندا (+17،7 پايىز) جانە اقتوبە وبلىسىندا (+11،3 پايىز) تىركەلدى.
ۇكىمەت ەلدىڭ تۇراقتى الەۋمەتتىك-ەكونوميكالىق دامۋىن قامتاماسىز ەتۋ جونىندەگى پرەزيدەنتتىڭ تاپسىرمالارىنىڭ ورىندالۋىن جەكە باقىلاۋدا ۇستاۋدى جالعاستىرىپ كەلەدى.