ەكونوميكالىق قىزمەت سالاسىنداعى قىلمىستىق قۇقىقبۇزۋشىلىقتار سانى ازايعان

ەسەسىنە قۇقىق بۇزۋشىلار سانى ءبىر جىلدا 29%-عا ءوستى. ءبىر جىل كولەمىندە وسى سالادا 1،2 مىڭ قۇقىقبۇزۋشىلىق تىركەلدى.

2021 جىلعى قاڭتار-جەلتوقساندا قازاقستان رەسپۋبليكاسىندا ەكونوميكالىق قىزمەت سالاسىندا 1،2 مىڭ قىلمىستىق قۇقىقبۇزۋشىلىق تىركەلدى، بۇل ءبىر جىل بۇرىنعىدان 11،3%-عا از، دەپ حابارلايدى Almaty-akshamy.kz Finprom.kz سايتىنا سىلتەمە جاساپ.

2020 جىلدىڭ وسى كەزەڭىندە مۇنداي 1،3 مىڭ قۇقىقبۇزۋشىلىق تىركەلگەن، جىل سايىنعى ءوسىم 23،2%-دى قۇرادى.

وڭىرلىك تۇرعىدا ەكونوميكالىق قىزمەت سالاسىنداعى قۇقىقبۇزۋشىلىقتاردىڭ باسىم بولىگى الماتى قالاسىندا تىركەلگەن: جالپى سانى 249 وقيعا – بۇل ءبىر جىل بۇرىنعىدان 3،8%-عا ارتىق.

ەكونوميكالىق قىزمەت سالاسىنداعى قىلمىستان كوش باستاۋشىلاردىڭ ۇشتىگىنە شىمكەنت (174 قۇقىقبۇزۋشىلىق، جىلىنا مينۋس 16،3%) پەن اقتوبە وبلىسى (122 قۇقىقبۇزۋشىلىق، 2،3 ەسە ءوسىم) كىرەدى.

مۇنداي قۇقىقبۇزۋشىلىقتاردىڭ ەڭ از سانى سولتۇستىك قازاقستان وبلىسىندا تىركەلدى: بار بولعانى 15 جاعداي، جىلىنا مينۋس 44،4%.

«جۇمىستى ناقتى ورىنداماي، قىزمەت كورسەتپەي نەمەسە تاۋارلاردى جونەلتپەي شوت-فاكتۋرانى بەرۋ بويىنشا ارەكەتتەر جاساۋ» بابىنا قاتىستى سەگمەنتتەگى ەڭ «تانىمال» قۇقىقبۇزۋشىلىقتار: 409 جاعداي، بۇل ءبىر جىل بۇرىنعىدان 7%-عا از.

ءجيى كەزدەسەتىن باپتاردىڭ قاتارىندا «قارجىلىق (ينۆەستيسيالىق) پيراميدانى قۇرۋ جانە باسقارۋ» جانە «ۇيىمداردان سالىق جانە (نەمەسە) بيۋدجەتكە تولەنەتىن باسقا دا مىندەتتى تولەمدەردى تولەۋدەن جالتارۋ» باپتارى دا بولدى.

2021 جىلى ەكونوميكالىق قىزمەت سالاسىندا 738 ادام قىلمىستىق قۇقىقبۇزۋشىلىق جاسادى، بۇل ءبىر جىل بۇرىنعىدان 28،8%-عا ارتىق. ونىڭ ىشىندە 294 ادام جۇمىسسىز، 158ء-ى كاسىپكەر. سونداي-اق ءتارتىپ بۇزۋشىلار اراسىندا 31 جۇمىسشى مەن 8 مەملەكەتتىك قىزمەتكەر بار.