تۇسكەن قارجى اقىلى جولداردى كۇتىپ ۇستاۋعا باعىتتالادى.
وتكەن جىلى مەملەكەت بيۋدجەتى اقىلى اۆتوجولدان تۇسكەن 8،1 ملرد تەڭگەمەن تولىقتى، دەپ حابارلايدى Almaty-akshamy.kz يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.
مامانداردىڭ ايتۋىنشا، جالپى ۇزىندىعى 682 شاقىرىم بولاتىن ءتورت اقىلى جول: «نۇر-سۇلتان – تەمىرتاۋ»، «نۇر-سۇلتان – ششۋچينسك»، «الماتى – قاپشاعاي» جانە «الماتى – قورعاس» رەسپۋبليكالىق جول ۋچاسكەلەرىنەن 6،9 ملرد تەڭگە تۇسكەن.
سونىمەن قاتار، ەلىمىزدە وتكەن جىلدىڭ 23 قاراشاسىنان باستاپ تاعى 7 اقىلى ۋچاسكە جۇمىس ىستەي باستادى. ولار: «تاراز – قاينار»، «شىمكەنت – قىزىلوردا»، «شىمكەنت – تاراز»، «شىمكەنت – وزبەكستان شەكاراسى»، «تالدىقورعان – قاپشاعاي»، «كوكشەتاۋ – ششۋچينسك»، «نۇر-سۇلتان – پاۆلودار» اۆتوجولدارى. بۇل ۋچاسكەلەردە ءبىر ايدان ءسال استام ۋاقىت ىشىندە 1،2 ملرد تەڭگەنى ءتۇستى.
«جينالعان قاراجات اقىلى جولداردى كۇتىپ ۇستاۋعا جانە باعدارلامالىق-اپپاراتتىق كەشەنىن قولداۋعا باعىتتالدى»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.