ۇلت ۇستازى – احمەت بايتۇرسىن ۇلىنىڭ لەنينگە جازعان 3 بىردەي حاتى تابىلدى.
بۇل تۋرالى الماتىدا وتكەن حالىقارالىق عىلىمي-تاجىريبەلىك كونفەرەنسياعا قاتىسقان وتاندىق عالىمدار مالىمدەدى، دەپ حابارلايدى Almaty-akshamy.kz.
احمەت بايتۇرسىن ۇلىنىڭ 150 جىلدىعىنا ارنالعان جيىندا قوعام قايراتكەرىنىڭ ەڭبەك جولى جايلى شەتەل جانە قازاقستاندىق زەرتتەۋشىلەر جازعان 12 كىتاپتىڭ تۇساۋى كەسىلدى. عالىم رەفورماتوردىڭ ۆلاديمير لەنينگە جازعان حاتتارى وسى كەزگە دەيىن كوپشىلىككە بەيمالىم بولعان مالىمەتتەردى، تىڭ دەرەكتەردى زەرتتەۋگە سەپ بولادى دەيدى، جيىن قاتىسۋشىلارى.
«وسى ءۇش ماقالانىڭ وزىندە عانا قوعامدىق، الەۋمەتتىك جاعدايعا دەگەن ۇلتتىق كوزقاراسىن ايقىن كورۋگە بولادى. بۇكىل الەمدەگى تەڭدىك ماسەلەسى. بولشيەۆيكتەردىڭ كەلگەن كەزدەگى ۇرانى مەن ونىڭ ىستەرى بىر-بىرىنە سايكەس كەلمەيتىنىن اقاڭ اشىپ كورسەتەدى. سول كەزدەگى گەوساياساتتى اقاڭنىڭ مۇراسىمەن قايتا قاراۋعا مۇمكىندىك تۋادى دەپ ويلايمىن»، - دەيدى م.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ.