الماتىدا جىلجىمالى ەكولوگيالىق زەرتحانالاردى پايدالانا وتىرىپ، اۆتوموبيلدەردى تەكسەرۋ بويىنشا رەيدتەر جالعاسىپ كەلەدى، - دەپ حابارلايدى Aqshamnews.kz.
بۇل تۋرالى ەكولوگيا باسقارماسىنىڭ وكىلدەرى حابارلادى.
مۇنداي تەكسەرىستى الماتى قالاسى اكىمدىگى بەكىتكەن ءىس-شارالار جوسپارىنا سايكەس تۇراقتى ەكولوگيالىق مونيتورينگ اياسىندا “Eco Almaty” ج ش س جول پوليسياسى قىزمەتكەرلەرىمەن بىرگە جۇرگىزەدى. ولار اۋانىڭ لاستانۋىن ازايتۋعا، پايدالانىلعان گازداردىڭ ۋلىلىعىن باعالاۋعا، كولىكتەر اراسىنداعى ەكولوگيالىق بۇزۋشىلىقتاردى انىقتاۋعا باعىتتالعان.
ماسەلەن، 2025 جىلى 4-10 قازان ارالىعىندا ماماندار 224 كولىكتى تەكسەردى. ونىڭ 138ء-ى بەنزينمەن نەمەسە گازبەن جۇرسە، 23ء-ىنىڭ زياندى زاتتاردىڭ رۇقسات ەتىلگەن مولشەرىنەن اسىپ كەتكەنى، 64 ديزەلدى كولىكتەردىڭ جارتىسىنا جۋىعى (26) ۋىتتىلىق پەن ءتۇتىن شىعارۋ نورمالارىنان اسىپ كەتكەن.
تۇراقتى تەكسەرۋلەر لاستانۋ كوزدەرىن ۋاقىتىلى انىقتاۋعا جانە ولاردى جويۋ بويىنشا شارالار قابىلداۋعا كومەكتەسەدى. بۇل قالاداعى اۋا ساپاسىن جاقسارتۋعا ىقپال ەتەدى، دەپ اتاپ ءوتتى الماتىنىڭ ەكولوگيا باسقارماسى.
ەسكە سالساق، الماتىدا «اتموسفەرالىق اۋانى قورعاۋ سالاسىندا ارنايى ەكولوگيالىق تالاپتاردى ەنگىزۋ تۋرالى» اتموسفەرالىق اۋانى قورعاۋ قاعيدالارىنىڭ جوباسى ازىرلەنگەن بولاتىن. ەرەجەنىڭ نەگىزگى ماقساتى – مەگاپوليس اتموسفەراسىنىڭ لاستانۋ دەڭگەيىن جۇيەلى تۇردە تومەندەتۋ. ەكولوگيا باسقارماسىنىڭ دەرەكتەرىنە سايكەس، قالاداعى بارلىق شىعارىندىنىڭ 60%-ى اۆتوكولىكتەن، قالعانى جەكە تۇرعىن ءۇي سەكتورىنا جانە ستاسيونارلىق لاستانۋ كوزدەرىنەن (ءوندىرىس ورىندارى، مونشالار، قوعامدىق تاماقتانۋ، قۇرىلىس نىساندارى) شىعادى.
ەرەجەنى جۇزەگە اسىرۋ ەكولوگيالىق جاعدايدى جاقسارتۋعا، اسىرەسە قىسقى كەزەڭدە الماتىلىقتاردىڭ ءومىر سۇرۋىنە جايلى جاعداي جاساۋعا مۇمكىندىك بەرەدى.