19 قىركۇيەك كۇنى شىعىس قازاقستان وبلىسىندا «تازا قازاقستان» رەسپۋبليكالىق ەكولوگيالىق اكسياسى اياسىندا اۋقىمدى اعاش وتىرعىزۋ شاراسى وتەدى. بۇل يگى ىسكە ەرىكتىلەر مەن قوعام وكىلدەرى بەلسەندى تۇردە قاتىسادى.
گلۋبوكوۆ اۋدانى اۋماعىنداعى «مالو-ۋبا ورمان شارۋاشىلىعى» كمم جەرىندە 113 مىڭنان استام ءسىبىر شىرشاسىنىڭ كوشەتى وتىرعىزىلماق. ايتا كەتەرلىگى، بۇل باستامانى ەرىكتىلەر مەن بلوگەرلەر ەرەكشە قولداپ كەلەدى. بيىل كوكتەمدە ولاردىڭ كۇشىمەن مارقاكول اۋدانىنداعى «مارقاكول ورمان شارۋاشىلىعى» اۋماعىندا 30 مىڭنان استام كوشەت وتىرعىزىلعان بولاتىن.
«تازا قازاقستان» اكسياسى – ەلدىڭ تابيعاتىنا بەيجاي قارامايتىن ازاماتتاردى، قوعام قايراتكەرلەرىن جانە جاستاردى بىرىكتىرەتىن ورتاق ءىس. بۇل – جاسىل قوردى ساقتاۋ مەن كوبەيتۋگە باعىتتالعان ناقتى قادام عانا ەمەس، سونىمەن بىرگە بولاشاق ەكولوگيالىق امانات ءۇشىن ءاربىرىمىزدىڭ ازاماتتىق جاۋاپكەرشىلىگىمىزدىڭ ايقىن كورىنىسى.