اكەسى ءۇش جەردە ەڭبەك ەتكەن: قازاق بوكسىنىڭ وليمپيادانى باعىندىرعان العاشقى ەگىزى تۋرالى نە بەلگىلى؟

ءاعالى-ىنىلى بوكسشى ايبەك پەن نۇربەك ورالبايلار بۇگىندە قازاق سپورتىنىڭ جارقىن جۇلدىزدارىنا اينالدى. ءبىرى بىلتىر وليمپيادا چەمپيونى اتانسا، ەكىنشىسى بيىل الەم چەمپيوناتىن باعىندىردى. اعايىدى سپورتشىلار تۋرالى نە بەلگىلى؟ تولىعىراق اqshamnews.kz ماتەريالىندا. 

ايبەك پەن نۇربەك ورالباي 2000 جىلعى 11 تامىزدا جامبىل وبلىسىنداعى ءايشا-بيبى اۋىلىندا دۇنيەگە كەلگەن. شىققان تەگى – كونە تاما رۋى. نۇربەك اعاسى ايبەكتەن بەس مينۋت كەيىن دۇنيەگە كەلگەن. 

سپورت جولىنداعى العاشقى قادام 

اكەسى بالالارىن كۇرەسكە بەرگىسى كەلگەن. الايدا سپورت سەكسياسىندا ولارعا بوكسقا بارۋدى ۇسىنعان سوڭ، اعايىندىلار قولعاپ كيىپ، رينگكە شىقتى. توعىز جاسىندا ولار العاشقى باپكەرى اسقار ەركەبايەۆپەن تانىستى. ەركەبايەۆ ءاردايىم ەگىز سپورتشىمەن جۇمىس ىستەۋدى ارمانداپ، ولاردى وليمپيادا چەمپيوندارى ەتۋدى ماقسات تۇتقان. بىرنەشە جىل بويى باپكەردىڭ جەتەكشىلىگىمەن استاناداعى "الاتاۋ" سپورت كەشەنىندە شىنىققان ەگىز كەيىن قاجىمۇقان مۇنايتپاسوۆ اتىنداعى سپورتقا دارىندى بالالارعا ارنالعان رەسپۋبليكالىق مەكتەپ-ينتەرناتىنا قابىلداندى.

ايبەك ورالباي

سپورتشى 90 كەلىدەن جوعارىلارعا ارنالعان كاتەرگوريادا جۇدىرىقتاسادى. 

ايبەكتىڭ بيىلعى ەڭ باستى جەڭىسى – اتى اڭىزعا اينالعان كۋبالىق لا كرۋستى ۇتۋى. ول – ەكى دۇركىن وليمپيادا چەمپيونى (2016، 2020) ءارى بەس مارتە الەم چەمپيونى. ايبەك العاشقى ەكى راۋندتى الىپ، ۇشىنشىسىندە نوكداۋن ەسەپتەلگەنىمەن، جەڭىستى بەرمەدى.

فينالدا وزبەك بوكسشىسى زوكيروۆقا ەكى راۋند ۇتىلىپ تۇرسا دا، ءۇشىنشى راۋندتا كەرەمەت كامبەك جاساپ، التىندى جەڭىپ الدى.

olympic.kz

نۇربەك ورالباي

سپورتشى – 2024 جىلعى وليمپيادا ويىندارىنىڭ كۇمىس جۇلدەگەرى، 2023 جىلعى الەم چەمپيونى جانە 2022 جىلعى ازيا چەمپيوناتىنىڭ قولا جۇلدەگەرى. ول 80 كەلى سالماقتا ونەر كورسەتەدى. 

gov.kz

 ەگىزدىڭ ەرەكشەلىگى

ايبەك پەن نۇربەك ورالباي – وليمپياداعا قاتىسقان قازاق بوكسىنىڭ العاشقى ەگىزى. جالپى وليمپيادا تاريحىندا مۇنداي جاعداي التى رەت قانا كەزدەسكەن.

2021 جىلعى اچ-تە قازاقستان اتىنان بىردەن ەكى ەگىز شىقتى: ورالبايلار جانە تولتايەۆتار (ءساماتالى مەن ءساناتالى).

2024 جىلعى وليمپيادا الدىندا رەسەيلىك Sports.ru پورتالى ورالبايلاردى "قازاقستاندىق گولوۆكيندەر" دەپ اتاپ، پاريجدە باقىلاۋعا تۇرارلىق بوكسشىلار قاتارىنا ەنگىزدى. ايبەككە گەنناديي گولوۆكيننىڭ ءوزى دە كەڭەس بەرگەن.

ايبەك – نۇربەكتەن نەبارى 5 مينۋتقا ۇلكەن. وتباسىندا ءتورت ۇل، سونىڭ ىشىندە ايبەك – تۇڭعىشى.

sportilinet.kz

بالالىق شاقتارىندا ايبەك 58 كگ، نۇربەك 56 كگ سالماقتا جۇدىرىقتاسقان. ءبىر رەت ايبەك سىرقاتتانىپ قالعان كەزدە ونىڭ ورنىنا نۇربەك شىققان. جىگىتتەردىڭ ايتۋىنشا، مۇنى ءتىپتى ەشكىم بايقاماعان.

ەگىزدى ءالى دە شاتاستىراتىندار بار: مىسالى، پاريج وليمپياداسىنان كەيىن ايبەكتى كوپشىلىك نۇربەك دەپ قۇتتىقتاپ جۇرگەن.

بوكسقا كەلۋ جولى

ورالبايلار 8 جاسىندا استاناعا كوشكەن. اكەسى راحات – ەركىن كۇرەستەن سپورت شەبەرى، باستاپقىدا ەگىزىن كۇرەسكە بەرگىسى كەلگەن. ءبىراق "الاتاۋ" سپورت كەشەنىندە كۇرەس سەكسياسى بولماي شىعادى. سوندا جاس باپكەر اسقار ەركەبايەۆ وعان باسقا ۇسىنىس ايتقان.

"اعا، كۇرەس جوق، مەن بوكستان جاتتىقتىرامىن. بالالارىڭىز ەگىز عوي، ۋاقىتشا ماعان بەرىڭىز. تەگىن جاتتىقتىرامىن. ارمانىم – ەگىزدى الەم چەمپيوناتىنا شىعارۋ"، – دەگەن ول.

وسىلايشا، اعايىندى ورالبايلار بوكسقا كەلدى.

sportilinet.kz

 بالالىق شاق

جىگىتتەردىڭ اكەسى راحات ورالباي ءۇش جەردە جۇمىس ىستەپ، كۇزەتشى بولىپ كۇنەلتكەن. اناسى مەكتەپتە ەدەن جۋۋشى بولىپ ەڭبەك ەتكەن. اقشا تابۋ وڭاي بولمادى. ايبەك پەن نۇربەك قوسىمشا تابىس تاۋىپ، اتا-اناسىنا سالماق تۇسىرمەۋگە تىرىسقان.

sportilinet.kz

"ءبىز ەشقاشان اكە-شەشەمىزدەن ارتىق اقشا سۇرامادىق. كەرىسىنشە، قالاي كومەكتەسسەك دەپ ويلايتىنبىز. كوپ سپورتشى قيىندىقتى جەڭە ءجۇرىپ، ۇلكەن جەتىستىككە جەتەدى"، – دەيدى ايبەك.

استانادا ءوز ءۇيى بولماعاندىقتان، وتباسى ءجيى پاتەر اۋىستىرىپ جۇرگەن. كەيىن اعايىندىلار ستەپنوگورداعى سپورت-ينتەرناتقا ءتۇسىپ، سەگىز جىل جاتاقحانادا تۇرعان. اپتالاپ ۇيگە بارماي، كۇنىنە ەكى رەت جاتتىققان.

"سول كەزدە وزىمىزگە "بولاشاقتا اتا-انامىزعا جۇمىس ىستەتپەيمىز" دەپ سەرت بەردىك"، – دەيدى اعايىندىلار.

ەركەبايەۆتىڭ ارمانى ورىندالدى: نۇربەك – 2023 جىلعى ءاچ چەمپيونى، ايبەك – 2025 جىلعى ءاچ جەڭىمپازى.

sportilinet.kz

وليمپياداداعى مۇمكىندىك

ايبەك جاسوسپىرىمدەر دەڭگەيىندە جاقسى ناتيجە كورسەتكەنىمەن، ەرەسەكتەر اراسىنا كەلگەندە العاشىندا اۋىر بەيىمدەلدى. پاريج وليمپياداسىنا ليسەنزيالىق تۋرنيردە العاشقى بولىپ جولداما العانىمەن، وليمپيادادا ەكىنشى اينالىمدا ازەربايجان اتىنان شىققان كۋبالىق لورەن الفونسودان جەڭىلدى.

ەرەكشە سىيلىقتار

وليمپيادادان كەيىن ايبەكتىڭ وزىنە دە سىيلىقتار بۇيىردى. ماسەلەن، ديماش قۇدايبەرگەننىڭ اناسى وعان ەكى جىلقى، ال نۇربەككە تون سىيلاعان.

كەيىن اعايىندىلارعا مۇنايدان جاسالعان ەرەكشە كارتينا، بلوگەرلەردەن كولىك پەن اقشا، ءتىپتى Toyota Prado اۆتوكولىكتەرى تارتۋ ەتىلگەن. 

"ارينە، مەن ونداي سىيلىقتار بەرىلمەسە ەكەن دەپ ايتامىن. ادامدار ءبىزدى بولمەۋگە تىرىسادى، ويتكەنى ءبىز - ەگىزبىز. رۋسلان بەردەنوۆ ماعان دا، نۇربەككە دە Toyota Prado اۆتوكولىگىن سىيعا تارتتى. مەن بىرنارسە ۇتىپ السام، مىندەتتى تۇردە نۇربەكپەن بولىسەمىن، سەبەبى ءبىز – ءبىر وتباسىمىز"، - دەدى ايبەك. 

سپورتشىلاردىڭ جەكە ءومىرى

ايبەك 2022 جىلى، ازيا چەمپيوناتىندا جەڭىسكە جەتكەن سوڭ شاڭىراق كوتەردى. سول جىلى نۇربەك تە چەمپيون اتانىپ، استانا اكىمى ەكى اعايىندىعا ءۇش بولمەلى پاتەر سىيلادى.

ايبەكتىڭ جۇبايى – بۇرىنعى دزيۋدوشى ارۋجان جولداس. ول قازاقستان جاسوسپىرىمدەر قۇراماسىندا جۇلدەگەر بولعان. تۇرمىسقا شىققاننان كەيىن سپورتتىق مانسابىن اياقتاعان.

"ءبىز 2016 جىلى ياكۋتيادا "ازيا بالالارى" تۋرنيرىندە تانىستىق. كەيىن ۇيلەنگەن سوڭ مەن ودان سپورتتى قويۋىن سۇرادىم. ەندى ول – ۇلىمنىڭ اناسى. ۇلىمدى دزيۋدوعا بەرگىم كەلەدى. بوكس جولى تىم اۋىر، ال دزيۋدو ءقازىر قارقىندى دامىپ جاتىر"، – دەيدى ايبەك.

كەيىنگى اقپارات بويىنشا، نۇربەك ءالى بويداق. پاريج وليمپياداسىنان كەيىن جەلى قولدانۋشىلار نۇربەككە قىزىعۋشىلىق تانىتىپ، تانىسۋعا بەكىنگەن ەدى.