قالالىق اكىمشىلىك پەن قازاقستاننىڭ كوگالداندىرۋ قاۋىمداستىعى جەتىسۋ اۋدانىنىڭ «كوكجيەك» ىقشاماۋدانىندا «Almaty Clean & Green» اتتى قالالىق ەكولوگيالىق اكسياسىن ۇيىمداستىردى.
اتالمىش اكسياعا قالانىڭ بارلىق قۇرىلىمدارى قاتىستى. تازالىق اكسياسى اياسىندا 150-گە جۋىق اكاسيا كوشەتى وتىرعىزىلدى. قالا اكىمشىلىگى قاجەتتى قولعاپ، قاپ، كۇرەك، تىرما سەكىلدى جابدىقتارمەن قامتاماسىز ەتتى. اكسياعا قاتىسۋشىلارعا اۋىز سۋ، ىستىق باۋىرساق تاراتىلدى.
سەنبىلىك باستالار الدىندا 15 مينۋتتىق جاتتىعۋ جاسالىپ، قاتىسۋشىلاردىڭ جۇمىسقا دەگەن قابىلەتىن ارتتىردى.
- بۇگىن ءبىزدىڭ اۋداندا كەزەكتى سەنبىلىك ءوتىپ جاتىر. وعان تەك اۋداننىڭ عانا ەمەس، بۇكىل قالامىزدىڭ تۇرعىندارى اتسالىسىپ جاتىر. بارلىق سالا قۇرىلىمدارى مەن جاستار بەلسەندىلىك تانىتۋدى. كوگالداندىرۋ بارىسىندا اۋماقتار تۇگەل تازارتىلدى. بۇگىن سەنبىلىكتى وتكىزۋگە 47 بىرلىك تەحنيكا جۇمىلدىرىلىپ، 300-دەن استام ادام قاتىستى. جەتىسۋ اۋدانى بويىنشا مۇنداي تازالىق اكسياسى سولتۇستىك اينالىم اۋدانىندا، «اينابۇلاق-4» ىقشاماۋدانىنداعى جانە «كوكجيەكتە» وتكىزىلىپ جاتىر، - دەپ اتاپ ءوتتى جەتىسۋ اۋدانى اكىمىنىڭ ورىنباسارى جاندوس راحىمعالييەۆ.
سەنبىلىك سوڭىندا قاتىسۋشىلار اراسىندا باعالى سىيلىقتار ۇتىس ويىنى ويناتىلىپ، ەكولوگيالىق تاقىرىپتا ۆيكتورينا وتكىزىلدى.