شارا اياسىندا 5000 ءتۇپ اعاش وتىرعىزىلادى.
بۇگىن الماتى قالاسىنىڭ بارلىق اۋداندارىندا «Almaty Clean&Green» جالپىقالالىق تازالىق شاراسى وتۋدە، دەپ حابارلايدى اlmaty-akshamy.kz.
اتاقتى اقىن، فيلوسوف مۇراتقان شوقان دا سىرت قالماي، باۋم اتىنداعى توعايداعى سەنبىلىككە قاتىستى.
«بارلىعىمىز ءۇشىن تابيعاتتى ساقتاۋ ماڭىزدى ءىس بولىپ سانالادى، ءبىز ونى اينالىپ وتە المايمىز. بۇگىنگى سەنبىلىكتە قالا تۇرعىندارى، ەرىكتىلەر، ونەرپازدار كوپ. مۇنداي سەنبىلىكتى اپتاسىنا ءبىر رەت وتكىزۋ كەرەك دەپ ەسەپتەيمىن، ويتكەنى جاسىل جەلەكتەردى قۇرمەتتەپ، كۇتىپ ۇستاۋىمىز كەرەك. مەنىڭ ويىمشا، بۇل ءبىزدىڭ ءومىرىمىزدى ءماندى ەتەدى. سەنبى كۇنى سەنبىلىك وتكىزىپ قانا قويماي، كۇندەلىكتى ومىردە دە وسىنى ۇستانۋىمىز كەرەك»، – دەيدى مۇراتقان شوقان.