بۇگىن الماتىدا اكىمدىكتىڭ قولداۋىمەن قالانىڭ قوعامدىق ۇيىمدارى ۇيىمداستىرعان Almaty Clean&Green ەكولوگيالىق اكسياسى ءوتىپ جاتىر. وسى رەتتە سەنبىلىككە كەلگەن جەلتوقسانشىلار وزدەرىنە ارنالعان ساياباق اۋماعىنا قامقور بولۋعا ۋادە بەردى.
– بۇگىن، 22 ءساۋىر كۇنى، قالالىق سەنبىلىك بولىپ جاتىر. سوعان بۇكىل جاستار، ستۋدەنتتەر، جەلتوقسانشىلار – ءار ۇيىمنان كەلىپ، اعاش وتىرعىزىپ، قوقىس جيناپ، قالا تازالىعىنا ۇلەس قوسىپ وتىر. بۇل – كەرەمەت باستاما. مەنىڭشە، ەندى تەك ساياباق اۋماعىن ەمەس، اركىم ءوزىنىڭ ءۇيىنىڭ الدىن تازالاپ، جاستارعا ۇلگى-ونەگە كورسەتۋىمىز قاجەت. ءاربىرىمىز تابيعاتتى ايالايتىن بولساق، ەكولوگيامىز جاقسى بولادى دەگەن ويدامىز. وسىعان اركىم ۇلەس قوسۋى كەرەك. ەندى بۇل جەلتوقسان ساياباعى دەپ جەلتوقسانشىلارعا ارنالعاننان كەيىن كەلەشەكتە وبلىستان، قالادان كەلىپ، بۇگىن ەگىلگەن تالدارعا سۋ قۇيىپ، جىل سايىن قاراپ تۇرامىز، – دەدى «پاتريوتتىق قوزعالىس «جەلتوقسان اقيقاتى» رەسپۋبليكالىق قوعامدىق بىرلەستىگىنىڭ ءتوراعاسى بولات قۇرىمبايەۆ.