ەكىنشى دۇنيەجۇزىلىك سوعىس كەزىندە چەحيا مەن سلوۆاكيادا قايتىس بولعان سولداتتاردىڭ تۋىسى ىزدەستىرىلۋدە

ەكىنشى دۇنيەجۇزىلىك سوعىس كەزىندە چەحيا مەن سلوۆاكيادا قايتىس بولعان سولداتتاردىڭ تۋىسى ىزدەستىرىلۋدە Cۋرەت: Inform.kz

مايدان دالاسىندا مەرت بولعان جاۋىنگەرلەر


سولتۇستىكقازاقستاندىق عالىم اناتوليي پلەشاكوۆ ەكىنشى دۇنيەجۇزىلىك سوعىستا حابار-وشارسىز كەتكەن جانە مايدان دالاسىندا مەرت بولعان جاۋىنگەرلەردىڭ تۋعان-تۋىستارىن ىزدەپ جاتىر. وعان چەحياداعى ارىپتەستەرى ءوز ەلدەرىندە جەرلەنگەن 500-گە جۋىق جاۋىنگەردىڭ ءتىزىمىن جىبەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.


م.قوزىبايەۆ اتىنداعى سولتۇستىك قازاقستان ۋنيۆەرسيتەتىنىڭ پروفەسسورى، اناتوليي پلەشاكوۆتىڭ ايتۋىنشا، جاقىندا ونى قولىنا قۇندى قۇجات تۇسكەن. بىرنەشە بەتتەن تۇراتىن تىزىمدە ۇلى وتان سوعىسىندا بۇرىنعى چەحوسلوۆاكيا جانە سمولەنسك وبلىسىندا مايدان دالاسىندا قازا تاپقان جاۋىنگەرلەردىڭ ءاتى-جونى، تۋعان جەرى، جىلى جانە ناقتى قاي جەردە جەرلەنگەنى كورسەتىلگەن.



«ماعان ءتىزىمدى بەرگەن ادام ۆيكتور بورودين يركۋتسكىدە تۇرادى. ءبىراق ول بىرنەشە جىل ءبىزدىڭ پەتروپاۆلدا ەڭبەك ەتىپ كەلەدى، ورىس قاۋىمداستىعىنىڭ قىزمەتكەرى. ول مەنىڭ وتباسىمدى جاقسى بىلەدى. سول كىسى ماعان قوڭىراۋ شالىپ، چەحيا مەن سلوۆاكيادا ەكىنشى دۇنيەجۇزىلىك سوعىستا قازا تاپقانداردىڭ ءتىزىمى بار، سول جاۋىنگەرلەردىڭ تۋىستارىن تاۋىپ، حابارلاۋ كەرەك، وسى تىزىممەن اينالىساسىڭ با دەپ سۇرادى. وعان ءتىزىمدى «روسسوترۋدنيچەستۆو» اگەنتىگىنىڭ وكىلدەرى جىبەرگەن ەكەن. ارينە، مەن بىردەن قىزىعۋشىلىق تانىتتىم. ويتكەنى تاريحشىمىن عوي. اكەم اندرەي يۆانوۆيچ پلەشاكوۆ تا سوعىستى چەحوسلاۆاكيادا اياقتاعان. پەتروپاۆلداعى «ماڭگىلىك الاۋدى» مەنىڭ اعام تۇرعىزعان. سوندىقتان بۇل ءىس مەن ءۇشىن اسا ماڭىزدى»، -دەيدى اناتوليي پلەشاكوۆ.




تىزىمدە سقو جاۋىنگەرلەرى عانا ەمەس، ەلىمىزدىڭ شىمكەنت، قىزىلوردا، الماتى سياقتى باسقا وڭىرلەرىنەن سوعىسقا اتتانعانداردىڭ ەسىمدەرى جازىلعان.



«ورتالىق قازاقستاننىڭ دا تۋمالارى بار، بۇل تىزىمدەردى سارالايتىن بولامىن. باسقا وڭىرلەردەگى تانىستارىممەن، ارىپتەستەرىممەن حابارلاسىپ، ولارعا دا ءتىزىمدى جىبەرەمىن. الدا ۇلكەن جۇمىس كۇتىپ تۇر. ءبىزدىڭ جوعارى وقۋ ورنىندا باسقا وڭىرلەردىڭ جاستارى وقيدى، سونداي-اق اسكەري ينستيتۋتتا وڭتۇستىكتەن كەلىپ ءبىلىم الىپ جاتقان جاستار كوپ. سولار ارقىلى ىزدەيمىز. ارالارىندا اۋىلداستارى بولۋى مۇمكىن عوي. باق-تا تىزىمدەردى جاريالايمىز. بۇل قۇجاتتى ءبىز وبلىستىق گازەتتەردە جاريالاۋعا كەلىستىك. كەيىن تىزىمدە كورسەتىلگەن ءار ادام بويىنشا جۇمىس ىستەيمىز. كەزىندە حابار-وشارسىز كەتتى دەگەن جاۋىنگەرلەردىڭ تۋىستارى اتالارىنىڭ قايدا جەرلەنگەندەرىن ءبىلۋى كەرەك. بۇل وتە قاجەت ءىس دەپ ويلايمىن. سوعىس قانشاما ادامنىڭ بولاشاعىن جويدى، تامىرىنا بالتا شاپتى، ورىمدەي جىگىتتەر قىرشىن كەتتى. ەگەر سوعىس بولماعاندا ءقازىر حالقىمىز ەكى ەسە كوپ بولار ما ەدى. مايداندا قازا تاپقان جاۋىنگەرلەردىڭ ارتىندا تۋىستارى قالدى، ولار باتىر اتالارىن ۇمىتپايدى، قايدا جەرلەنگەنىن بىلۋلەرى ءتيىس. جاقىندا ماعان زيراتتاردىڭ فوتوسۋرەتتەرىن جىبەرەدى، مەن تۋىستارىن تاۋىپ، ولارعا بەرۋگە تىرىسامىن»، - دەيدى پروفەسسور.



اناتوليي پلەشاكوۆتىڭ قولىنداعى تىزىمگە قازاقستان بويىنشا شامامەن 400-500 ادامنىڭ ەسىمى ەنگەن. ايتۋىنشا، ءقازىر چەحيادا تاعى دا تىزىمدەردى جاساپ جاتىر.



«ەلىمىزدە، مەنىڭ ويىمشا، ولار حابارسىز كەتكەندەر ساناتىندا نەمەسە تۋىستارى سوعىستا قازا تاپقانىن بىلەدى، ءبىراق قايدا جەرلەنگەنىنەن حابارلارى جوق. ال مەنىڭ قولىمداعى تىزىمدە ولاردىڭ ءاتى-جونى عانا ەمەس، جەرلەنگەن ورىندارى دا كورسەتىلگەن. كەي جاۋىنگەرلەردى سونداعى جەرگىلىكتى حالىق قايتا جەرلەگەن، ياعني، ۇرىس دالاسىندا قازا تاپقان ولاردى باۋىرلاستار زيراتىنا جەرلەگەن.
ءتىزىم جاقىندا عانا قولىما ءتيدى. سوندىقتان ازىرگە ءبىر وتباسىنى عانا تاپتىق. تاعى ەكى وتباسى بويىنشا سۇراۋ جىبەردىك. وسى ءتىزىم بويىنشا 8-10 جاۋىنگەردىڭ وتباسىن تاپساق تا بۇل ۇلكەن جەتىستىك»، - دەيدى اناتوليي پلەشاكوۆ.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

17:17

16:03

15:15

14:18

13:38

12:12

11:51

11:11

10:50

10:11

18:30

17:39

17:36

16:14

15:15

14:16

13:07

12:47

12:15

12:10

12:08

12:06

12:04

12:02

11:56