وزگەرىس كارانتين مەرزىمىنە بايلانىستى ەنگىزىلدى
ق ر باس مەملەكەتتىك سانيتاريالىق دارىگەرى كارانتين مەرزىمىنە ءبىرقاتار وزگەرىستەر ەنگىزدى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
«قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2021 جىلعى 2 قىركۇيەكتەگى №38 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ 2022 جىلعى 21 قاڭتارداعى № 4 جاڭا قاۋلىسىندا كارانتين مەرزىمىنە قاتىستى تاسىلدەر قايتا قاراستىرىلدى. COVID-19 ناۋقاسىمەن بايلانىستا (جاقىن بايلانىستا) بولعان ادامدارعا ءۇي كارانتينى مەرزىمىنە قاتىستى وزگەرىستەر ەنگىزىلدى»،-دەلىنگەن حابارلامادا.
ماسەلەن، COVID-19 ناۋقاسىمەن بايلانىستا بولعان ادامدار (جاقىن بايلانىس) ريەۆاكسيناسيا نەمەسە COVID-19-عا قارسى ۆاكسيناسيانىڭ تولىق كۋرسىن العانى تۋرالى قۇجاتى بولماعان كەزدە، ەگەر ەكىنشى كومپونەنتتى العاننان كەيىن 6 ايدان اسپاعان بولسا، سوڭعى 3 اي ىشىندە COVID-19 اۋىرىپ جازىلعان ادامداردى قوسپاعاندا، ۇيدە وقشاۋلاۋعا (ءۇي كارانتينى) جاتادى.
بايلانىستا بولعان ادامدا اۋرۋ بەلگىلەرى بولماعان جاعدايدا ءۇي كارانتينىنىڭ 7ء-شى كۇنى پتر ادىسىمەن COVID-19-عا زەرتحانالىق تەكسەرۋ ءۇشىن سىناما الۋ جۇرگىزىلەدى.
پتر-زەرتتەۋدىڭ تەرىس ناتيجەسىمەن ءۇي كارانتينى اياقتالادى.
ەگەر ءۇي كارانتينىنىڭ 7ء-شى كۇنىندە پتر ادىسىمەن COVID-19-عا زەرتحانالىق تەكسەرۋ ءۇشىن سىنامالاردى ىرىكتەۋ جۇرگىزىلمەسە، ءۇي كارانتينى وقشاۋلانعان ساتتەن باستاپ 10 كۇن وتكەنگە دەيىن جالعاسادى.
كارانتيننىڭ ۇقساس تاكتيكاسى كوروناۆيرۋس ينفەكسياسىنىڭ اسيمپتوماتيكالىق اعىمى بار ناۋقاستارعا دا قولدانىلادى.
(بۇرىن بولعان: 3 تاۋلىككە پتر ادىسىمەن تەكسەرۋ جانە 14 كۇن ىشىندە كارانتين)
الگوريتمدەرگە رەداكسيالىق تۇزەتۋلەر ەنگىزىلدى.
«وسى قاۋلىنىڭ تولىق ماتىنىمەن قازاقستان رەسپۋبليكاسى دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ سايتىندا تانىسۋعا بولادى»،-دەلىنگەن حابارلامادا.