ساپەرلەر ارنايى وپەراسيا جۇرگىزىپ جاتىر.
الماتى وبلىسىندا بومبا قويىلدى دەلىنگەن كوللەدجدەن 600-گە جۋىق ادام ەۆاكۋاسيالاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«30 قاراشا كۇنى ساعات 12:10-دا كەزەكشى بولىمگە م. بەيسەبايەۆ اتىنداعى تالعار اگروبيزنەس جانە مەنەدجمەنت كوللەدجىنە بومبا قويىلعانى تۋرالى اقپارات ءتۇستى. پوليسيا قىزمەتكەرلەرى باسقا ۋاكىلەتتى ورگاندارمەن بىرلەسىپ، 500-گە جۋىق وقۋشىنى، 97 وقىتۋشىنى، 7 تەحنيكالىق پەرسونالدى جانە 2 كۇزەتشىنى ەۆاكۋاسيالادى»، - دەلىنگەن الماتى وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.
ۆەدومستۆو اقپاراتىنا سايكەس، اتالعان دەرەك ق ر قىلمىستىق كودەكسىنىڭ 273-بابى بويىنشا تالعار اۋداندىق پوليسيا بولىمىندە تىركەلدى.
«قازىرگى ۋاقىتتا ساپەرلەر ارنايى وپەراسيا جۇرگىزىپ جاتىر. ونىڭ ناتيجەلەرى بويىنشا جاعدايعا قۇقىقتىق باعا بەرىلەتىن بولادى»،- دەپ تولىقتىردى باسپا ءسوز قىزمەتىنەن.