ەكىباستۇزداعى جاعداي بىرتىندەپ رەتكە كەلتىرىلۋدە.
ەكىباستۇزداعى جىلۋ ماگيسترالىن جوندەۋ جۇمىستارىنا وزگە وڭىرلەردەن بريگادالار جۇمىلدىرىلدى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
بۇگىن قالانىڭ ءماشھۇر ءجۇسىپ كوشەسىندەگى 17 كوپ پاتەرلى ءۇيدى جىلىتۋ جۇيەلەرىنە قوسۋ ءۇشىن قازاقستاننىڭ باسقا وڭىرلەرى مەن كاسىپورىندارىنان، اتاپ ايتقاندا استانا، پاۆلودار، قاراعاندى، بوسشاكولدەن (Kazminerals) جەتكەن جوندەۋ بريگادالارى جۇمىسقا كىرىستى.
سونداي-اق، ۇكىمەت پەن جەدەل شتاب مۇشەلەرى مامەتوۆ، شەشەمبەكوۆ كوشەلەرىندە ورنالاسقان تۇرعىن ۇيلەردى، «ونەر» مادەنيەت ءۇيىن ارالاپ كوردى.
ەستەرىڭىزگە سالا كەتسەك، 27 قاراشا كۇنى ساعات 1:20 شاماسىندا ەكىباستۇز جەو-دا قازاندىق ىستەن شىعىپ، ون مينۋتتان كەيىن تاعى ۇشەۋى توقتاعان بولاتىن.