يسپانيادان كەلگەن ديماش قۇدايبەرگەنوۆتىڭ فان-كلۋبى اۋليەكول اۋدانىنداعى ورمان ورتىنەن زارداپ شەككەن وتباسىلاردىڭ بالالارىنا سىيلىق جاسادى.
ولار «قايىرىمدىلىق» قوعامدىق قورى ارقىلى اۋليەكول اۋدانىنداعى ونەر مەكتەبىنە بالالاردى مۋزىكالىق ساۋاتتىلىققا باۋلۋ ءۇشىن مۋزىكالىق اسپاپتار ساتىپ الۋعا 1000 ەۋرو اۋدارعان، دەپ حابارلايدى Almaty-akshamy.kz Egemen.kz-كە سىلتەمە جاساپ.
29 قاراشا كۇنى اۋليەكول اۋدانىنداعى ونەر مەكتەبىنە مۋزىكالىق اسپاپتار سالتاناتتى تۇردە تابىس ەتىلدى.
شارا بارىسىندا قور قۇرىلتايشىلارىن ونەر مەكتەبىنىڭ وقۋشىلارى جىلى قارسى الىپ، كونسەرتتىك باعدارلامامەن ونەر كورسەتتى. «قايىرىمدىلىق» قوعامدىق قورىنىڭ ءتوراعاسى ب.احمەتوۆ بالالارعا شىعارماشىلىق تابىس تىلەدى.
مەرەكە سوڭىندا اتا-انالار قاۋىمى اتىنان مەكتەپ ۇجىمى ديماش قۇدايبەرگەنوۆتىڭ يسپانياداعى فان-كلۋبىنا جانە «قايىرىمدىلىق» قوعامدىق قورىنا العىستارىن ءبىلدىردى.