ەكىباستۇزدا جەر ۇيلەردى جىلۋعا قوسۋ جۇمىستارى ءالى ءجۇرىپ جاتىر.
جوندەۋ بريگادالارىنا كەدەرگى بولىپ تۇرعانى - كەيبىر تۇرعىندار ۇيلەرىن جاۋىپ، كەتىپ قالعان. ءقازىر قالادا تەحنوگەندىك توتەنشە جاعداي رەجيمى الىنىپ تاستالعانىمەن، جەدەل شتاب جۇمىسىن جالعاستىرۋدا، دەپ حابارلايدى Almaty-akshamy.kz.
اپات سالدارىن جويۋعا 200-دەي ادام جۇمىلدىرىلعان. ازىرگە وقۋشىلارعا ساباق قاشىقتان وتكىزىلىپ جاتىر. بالاباقشالار جابىق. سەبەبى ابدەن سالقىنداپ كەتكەن عيماراتتاردا ىشكى تەمپەراتۋرانى كوتەرۋگە ۋاقىت كەرەك. نەگىزگى جۇمىستار جەكە سەكتورلاردىڭ اۋماعىندا ءجۇرىپ جاتىر.
«ەندىگى الدىمىزدا تۇرعان ماقسات - 18 ءۇيدى اياقتاۋ. ول جەردە ەندى 18 ءۇيدىڭ ءبارى - شالعاي جاتقان ۇيلەر. ولارعا جەكە جىلۋ جۇيەلەرى كىشى ديامەترلى قۇبىرمەن جەتكىزىلگەن. سوندىقتان ونىڭ ءبارىن، مۇزداپ قالعان جىلۋ جەلىلەرىن قالپىنا كەلتىرۋ ۋاقىت الىپ وتىر»، - دەدى ەكىباستۇز قالاسىنىڭ اكىمى ايان بەيسەكين.