قازاقستاندا اۆتوموبيل ديسكىلەرىن شىعاراتىن جاڭا زاۋىت سالىنۋى مۇمكىن. بۇل جوبا تاشكەنت ينۆەستيسيالىق فورۋمىندا تالقىلاندى، دەپ حابارلايدى Almaty-akshamy.kz 24.kz-كە سىلتەمە جاساپ.
وزبەكستانداعى بيزنەس سەرىكتەستەرمەن يندۋستريا جانە ينفراقۇرىلىمدىق دامۋ ءمينيسترى كەزدەستى. كورشى ەلمەن ماشينا جاساۋ سالاسىندا بىرلەسكەن ورتا دەڭگەيدەگى جوبالار بار. ەندى ءىرى ساناتتاعىسىن قولعا الۋ كوزدەلىپ وتىر. تاراپتار اۆتوموبيل ديسكىسى مەن باسقا دا بولشەكتەردى ەلىمىز اۋماعىندا جاساۋعا نيەتتەستىك ءبىلدىردى. فورۋمعا قازاقستاندىق بيزنەس وكىلدەرى دە جينالدى. ولار ىسكەرلىك كەزدەسۋلەر اياسىندا بىرلەسكەن كاسىپورىن قۇرۋعا باعىتتالعان 10-نان استام كەلىسىم جاساستى. قايىربەك وسكەنبايەۆ، ق ر يندۋستريا جانە ينفراقۇرىلىمدىق دامۋ ءمينيسترى: - قارىم-قاتىناسىمىز وتە جاقسى. سول سەبەپتى 100 شاقتى كاسىپكەر بىزبەن ەرىپ كەلدى. قازاقستاندا، وزبەكستاندا بىرگە اتقاراتىن كاسىپكە دايىن تۇرمىز. سوندىقتان جينالىپ تالقىلاپ جاتىرمىز.
قازاقستان مەن وزبەكستان اۆتوكولىك بولشەكتەرىن بىرلەسىپ شىعارۋدى تالقىلادى
- اۆتور Almaty-akshamy
- 06:50، 26 ناۋرىز 2022
Cۋرەت: Egemen.kz