دەنساۋلىق ساقتاۋ ءبىرىنشى ۆيسە-مينيسترى تيمۋر سۇلتانعازييەۆ دارىگەرلەر تاپشىلىعىنا قاتىستى پىكىر ءبىلدىردى، دەپ حابارلايدى aqshamnews.kz
ونىڭ ايتۋىنشا، مەديسينا قىزمەتكەرلەرىنە جاسالعان شابۋىلداردىڭ جيىلەۋىنە بايلانىستى ناقتى جەكە ستاتيستيكا جوق.
"ءبىراق جالپى العاندا، بىزدە دارىگەر كادرلارىنىڭ تاپشىلىعى بويىنشا مالىمەت بار. قازىرگى تاڭدا شامامەن 4 مىڭ دارىگەر جانە 5 مىڭ ورتا بۋىن مەديسينا قىزمەتكەرى جەتىسپەيدى. سونداي-اق دەنساۋلىق ساقتاۋ جۇيەسىنەن شەتەلگە كەتىپ جاتقان مەديسينا كادرلارى دا بار. سوڭعى 5 جىلدا شامامەن 2،5 مىڭ مەديسينا قىزمەتكەرى باسقا ەلدەردە جۇمىس ىستەۋ ءۇشىن قازاقستاننان كەتكەن"، – دەدى ول.