«قورعاس» بەكەتىندە سەگىز ايدا قانداي زاڭسىز تاۋارلار انىقتالدى؟
ق ر قارجى مينيسترلىگىنىڭ مەملەكەتتىك كىرىستەر كوميتەتى 2024 جىلدىڭ العاشقى سەگىز ايىندا مسپس «قورعاس» باقىلاۋ-وتكىزۋ بەكەتىندە انىقتالعان قۇقىق بۇزۋشىلىقتار تۋرالى مالىمدەدى، دەپ حابارلايدى aqshamnews.kz
«شەكارا قىزمەتىمەن بىرلەسكەن كەدەندىك باقىلاۋ بارىسىندا سەگىز اي ىشىندە 17 مىڭنان استام بلوك تەمەكى ونىمدەرى، ونىڭ ىشىندە 1800 ەلەكتروندى تەمەكى (ۆەيپ)، ەكى مىڭعا جۋىق تون، 300 دانا كيىك ءمۇيىزى، شامامەن 100 بوتەلكە ەليتالىق الكوگول تاركىلەندى»، — دەپ حابارلادى مەملەكەتتىك كىرىستەر كوميتەتى.
سونداي-اق كوميتەت قوس ماقساتتا قولدانىلاتىن (اسكەري ماقساتتا دا پايدالانۋعا بولاتىن) تاۋارلار تۋرالى ايتتى:
«مىسالى، 2024 جىلدىڭ باسىنان باستاپ ءۇش ۇشقىشسىز ۇشۋ اپپاراتى (درون)، 107 فلياجكا، 85 پوگونى بار قاپتاما، ىشكى ىستەر ورگاندارىنىڭ 215 قالپاق جانە فۋتبولكاسى انىقتالدى»، — دەپ تولىقتىردى كوميتەت وكىلدەرى.
كوميتەت وكىلدەرى تاۋارلار مەن ادامداردىڭ ءوز ەركىمەن زاڭسىز قوزعالىسىن بولدىرماۋ ءۇشىن بارلىق شارالار قولدانىپ جاتقانىن ايتتى.