ەكى ءىرى استەرويد جەرگە جاقىن ۇشادى

جەرگە بەلگىلى ءبىر استەرويدتىق قاۋىپتەر ءتونىپ تۇرعان جوق

6 جانە 9 مامىردا ەكى ءىرى استەرويد جەردىڭ ماڭىنا جاقىن ۇشىپ وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

Astro News سايتىنىڭ مالىمەتىنشە، اقش - NASA اەروناۆتيكا جانە عارىش كەڭىستىگىن زەرتتەۋ جونىندەگى ۇلتتىق باسقارماسى سەرىكتەس تەلەسكوپتار جەلىسى مەن پلانەتارلىق قورعانىس ۇيلەستىرۋ بيۋروسى ارقىلى بارلىق استەرويدتى باقىلايدى. باسقارما ولاردى جەر ءۇشىن ءقاۋىپتى جانە ءقاۋىپسىز دەپ جىكتەيدى.
ەكى استەرويدتىڭ – 2009 JF1 جانە 467460 (2006 JF42) جۋىردا جەرگە جاقىنداۋىنا كەلەتىن بولساق، حابارلامادا ولاردىڭ ۇشىپ وتۋىنەن ءقاۋىپ جوقتىعى ايتىلادى. 2009 JF1 استەرويدىنىڭ ديامەترى - شامامەن 10 مەتر عانا جانە ول 2022 جىلدىڭ اقپان ايىندا ەۋروپالىق عارىش اگەنتتىگىنىڭ باقىلاۋ تىزىمىنەن شىعارىلدى. باقىلاۋلار ونىڭ جەرمەن سوقتىعىسۋ ىقتيمالدىعى از ەكەنىن كورسەتكەن بولاتىن.

ەكىنشى 2006 JF42 استەرويدى اناعۇرلىم ءىرى، ديامەترى – 380-نەن 860 مەترگە دەيىن. سونىمەن قاتار، ول ءبىزدىڭ پلانەتامىزعا 5،7 ملن شاقىرىمعا جاقىندايدى. بۇل - جەر مەن ايدىڭ ورتاشا قاشىقتىعىنان 14 ەسە ارتىق.

NASA-نىڭ سوڭعى اقپاراتىنا سايكەس، «باقىتىمىزعا قاراي، كەم دەگەندە 100 جىل بويى جەرگە بەلگىلى ءبىر استەرويدتىق قاۋىپتەر ءتونىپ تۇرعان جوق».
بۇعان دەيىن العاشقى جەكە عارىش ميسسياسى حعس-عا جەتكەنىن حابارلاعان ەدىك.