ەكى دزيۋدوشىمىز سپورتتىق مانسابىن اياقتادى

دزيۋدودان قازاقستان كومانداسىنىڭ مۇشەسى ەلدوس جۇماقانوۆ پەن گالبادراح وتگونسەسەگ  سپورتتىق مانسابىن اياقتادى

بۇل تۋرالى ورالدا ءوتىپ جاتقان ەل چەمپيوناتىندا بەلگىلى بولدى،  دەپ حابارلايدى Almaty-akshamy.kz وlympic.kz-كە سىلتەمە جاساپ

ەلدوس جۇماقانوۆ ۇزاق جىلدار بويى قازاقستان كومانداسىنىڭ نامىسىن ابىرويمەن قورعادى. 

66 كەلى سالماقتا سىنعا تۇسكەن ول سپورتقا بەس جاسىندا قادام باسقان. وسى جىلدار ارالىعىندا ەلدوس جۇماقانوۆ اسكەريلەر اراسىنداعى الەم چەمپيونى، گران-پري ءتۋرنيرىنىڭ جەڭىمپازى (2013)، اتالعان ءتۋرنيردىڭ كۇمىس جانە قولا جۇلدەگەرى (2016، 2019) اتاندى. 

Masters ءتۋرنيرى (2017) مەن ەۋروپا كۋبوگىنىڭ (2015) كۇمىس جۇلدەگەرى. سونداي-اق، ەلدوستىڭ جۇلدە قورجىنىندا ازيا بىرىنشىلىگىنىڭ ءتورت مەدالى بار. ول 2015 جىلى ەل-كۋۆەيتتە، 2016 جىلى تاشكەنتتە وتكەن قۇرلىق دوداسىندا قولا جۇلدەگە قول جەتكىزسە، 2017 جىلى گونكونگ جانە 2019 جىلى فۋدجەيرادا وتكەن ازيا چەمپيوناتىندا كۇمىس مەدال تاققان. 

سونىمەن قاتار، ەلدوس جۇماقانوۆ 2018 جىلى دجاكارتادا (يندونەزيا) وتكەن ازيا ويىندارىنىڭ قولا جۇلدەگەرى اتانعان.