تۋعان بالالارىن ساتقان ادام قاراقالپاقستان ازاماتى بولىپ شىقتى.
ءىىم ۇيىمداسقان قىلمىسقا قارسى كۇرەس باسقارماسىنىڭ باستىعى قانات نۇرماعامبەتوۆ 3 ساۋىردە ۆەدومستۆودا وتكەن بريفينگتە ورال قالاسىندا ەكى بالاسىن ساتقان قاراقالپاقستان ازاماتى ۇستالعانىن ايتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
ۆەدومستۆو باسشىسىنىڭ ايتۋىنشا، قاراقالپاقستان ازاماتى تۋعان بالالارىن ساتقانى ءۇشىن ۇستالعان.
«قاراقالپاقستان رەسپۋبليكاسىنىڭ 31 جاستاعى ازاماتى ورال قالاسىندا بالا ساۋداسىمەن ايىنىلسقانى ءۇشىن ۇستالدى. جاس ايەل 2018 جانە 2019 جىلى تۋعان بالالارىن ساتقانى انىقتالدى. ءبىرىنشى فاكت 2018 جىلدىڭ ماۋسىمىندا تىركەلدى، ول كەزدە ايەل جاڭا تۋعان بالاسىن اتىراۋ وبلىسىندا تۇراتىن ەرلى-زايىپتىلارعا زاڭسىز اسىراتىپ جىبەرمەك بولعان. ەكىنشى فاكت 2022 جىلدىڭ جەلتوقسانىندا بولعان. ول كەزدە شەتەلدىك ايەل ءۇش جاسار قىزىن ورال قالاسىندا تۇراتىن ەرلى-زايىپتىلارعا 1 ميلليون تەڭگەگە ساتپاق بولعان جاعداي تىركەلگەن»، - دەدى قانات نۇرماعامبەتوۆ.
باسقارما باسشىسى بۇل فاكتىلەردىڭ ق ر قىلمىستىق كودەكسىنىڭ 135-بابى (كامەلەتكە تولماعاندار ساۋداسى) بويىنشا تىركەۋگە الىنعانىن ايتا كەتتى.
سونداي-اق 2023 جىلدىڭ اقپان ايىندا الماتىدا تاعى ءبىر اتا-انا جاڭا تۋعان قىزىن 2 ميلليون تەڭگەگە ساتپاق بولعان.