امەريكالىق جازۋشىنىڭ باسپا ءسوز حاتشىلارىنا ارنالعان كىتابى قازاق تىلىنە اۋدارىلدى.
تۋىندىنىڭ تۇساۋكەسەرى استانادا ءوتتى. ەڭبەك اۆتورىنا اقپارات جانە قوعامدىق دامۋ ءمينيسترى ارنايى قۇتتىقتاۋ جىبەرگەن. «سيفرلىق داۋىردەگى باسپا ءسوز قىزمەتى» قوعاممەن بايلانىس سالاسىنىڭ ماماندارىنا ارنالعان نۇسقاۋلىق دەۋگە بولادى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
وندا مەملەكەتتىك ورگانداردىڭ جۇمىسى تۋرالى دۇرىس اقپارات بەرۋ، مەكەمەنىڭ اشىقتىعىن قامتاماسىز ەتۋ جونىندە كەڭەستەر جازىلعان. اۆتور مارگەريت حوكسي سالليۆان كىتاپقا ءوز كوزقاراسىمەن قاتار شەتەلدەردىڭ ۇزدىك تاجىريبەلەرىن قامتۋعا تىرىسقانىن ايتتى.
«كىتاپتى جازباس بۇرىن جۋرناليستەرگە ارنالعان كوپتەگەن ترەنينگتەر، شەبەرلىك ساعاتتارى، مەكتەپتەر بار ەكەنىن، ءبىراق باسپا ءسوز حاتشىلارىنا قالاي جۇمىس ىستەۋ كەرەگىن ۇيرەتەتىن ەشكىمنىڭ جوق ەكەنىن ءتۇسىندىم. جۋرناليستەر دە، باسپا ءسوز حاتشىلارى دا ءبىر ماقساتتا، ياعني، حالىققا اقپارات بەرۋ ءۇشىن جۇمىس ىستەيدى. سوندىقتان، ول اقپاراتتىڭ ساپالى ءارى دەر كەزىندە بەرىلۋى ءۇشىن قوعاممەن بايلانىس قىزمەتىنىڭ جۇمىسىن جاقسارتۋ كەرەك. مەنىڭ كىتابىمنىڭ ماقساتى وسى»، - دەيدى جۋرناليست مارگەريت حوكسي سالليۆان.