پاريجدەگى ايگىلى ەيفەل مۇناراسىنىڭ جانىنا ونىڭ كوشىرمەسى ورناتىلدى.
ولشەمى ءتۇپنۇسقاسىنان 10 ەسە كىشى ەتىپ جاسالعان. جوبانى ىسكە اسىرۋ ءۇشىن ءبىر جىل ۋاقىت كەتكەن. ءبىراق ول ءبىر ءتۇننىڭ ىشىندە ورناتىلعان، دەپ حابارلايدى Almaty-akshamy.kz 24.kz-كە سىلتەمە جاساپ.
ەڭ قىزىعى، قاي جەردەن قاراسا دا، ەكى مۇنارانىڭ ولشەمى بىردەي بولىپ كورىنەدى. الەمدە ەيفەل مۇناراسىنىڭ 50-دەن اسا كوشىرمەسى بار. پاريجدەگى جاڭا تۋىندى ەكى اپتادان كەيىن وزگە ەلدەردە وتەتىن كورمەلەرگە جىبەرىلەدى.
«قۇرىلىمنىڭ بيىكتىگى مەن ەنى عانا ەمەس، بۇكىل بولشەكتەرىنىڭ ولشەمدەرى ءتۇپنۇسقاسىنان 10 ەسە كىشى ەتىپ جاسالىنعان. تالاپتى قاتاڭ ساقتاۋ كەرەك بولدى. سونىڭ ارقاسىندا سىرتتان قاراعاندا، ەكى مۇنارا دا بىردەي بولىپ كورىنەدى. وسىعان ءبىراز قينالدىق. سوسىن كوشىرمەنى ءبىر ءتۇننىڭ ىشىندە ورناتىپ تاستادىق. بۇل دا قيىندىق تۋدىردى. ەسەسىنە تاڭەرتەڭ ەكىنشى مۇنارانى كورگەن ادامداردىڭ قالاي تاڭعالعانىن بىلسەڭىزدەر عوي»، - دەيدى كوشىرمەنىڭ اۆتورى فيليپپ مەندرون.