دايىن قۇجاتتى وتىنىمدە كورسەتىلگەن حالىققا قىزمەت كورسەتۋ ورتالىعىنان الۋ قاجەت.
ەندى قازاقستاندىقتار eGov.kz – ەلەكتروندى ۇكىمەت پورتالىندا تۋۋ تۋرالى كۋالىككە، ءاتى-جونىن وزگەرتۋگە، نەكە قيۋ جانە اجىراسۋ، بالا اسىراپ الۋ جانە قايتىس بولۋ تۋرالى اكتىلىك جازبالارعا وزدەرى وزگەرىس ەنگىزە الادى، دەپ حابارلايدى Almaty-akshamy.kz "ۇلتتىق اقپاراتتىق تەحنولوگيالار" اق قوعاممەن بايلانىس باسقارماسىنا سىلتەمە جاساپ.
جاڭا قىزمەت جەتكىلىكتى نەگىز بولعان جاعدايدا جانە مۇددەلى تۇلعالار اراسىندا داۋ بولماعان كەزدە قۇجاتتارعا جوسپارلى وزگەرىستەر ەنگىزۋدى (قاتە ەنگىزىلمەگەن وزگەرىستەر) كوزدەيدى. مىسالى، اتىن، تەگىن، جانە اكەسىنىڭ اتىن وزگەرتۋ
"ازاماتتىق حال اكتىلەرى جازبالارىنا وزگەرىستەر، تولىقتىرۋلار مەن تۇزەتۋلەر ەنگىزۋ" جاڭا قىزمەتىنىڭ كومەگىمەن اكتىلىك جازبالارعا وزگەرىستەر ەنگىزۋ جانە قۇجاتتاردى قايتا شىعارۋ ءۇشىن نەگىزدەمەلەردى كورسەتىپ، راستايتىن قۇجاتتاردى قوسىپ، ءوتىنىم بەرۋگە بولادى.
"ءبىراز قازاقستاندىق eGov.kz پورتالىندا اكتىلىك جازبالارعا ءوز بەتىنشە وزگەرىس ەنگىزۋگە بولاتىنىن بىلە بەرمەيدى. مۇندا ءسىز تۋۋ تۋرالى، نەكە قيۋ تۋرالى جانە نەكەنى بۇزۋ تۋرالى كۋالىكتەر سەكىلدى قۇجاتتارعا وزگەرىستەر ەنگىزە وتىرىپ، ولاردى قايتا شىعارۋعا ءوتىنىش بەرەسىز. ماسەلەن، ەگەر بۇرىن ادامنىڭ تەگىن وزگەرتۋ ءۇشىن حقكو-عا بارۋ قاجەت بولسا، ءقازىر ونى ەلەكتروندى تۇردە جاساۋعا بولادى جانە ول ءۇشىن كەزەكتە تۇرۋدىڭ قاجەتى جوق"،- دەپ مالىمدەدى "ۇلتتىق اقپاراتتىق تەحنولوگيالار" اق باسقارما ءتوراعاسى روستيسلاۆ كونياشكين.
قانداي جاعدايدا قۇجاتتارعا وزگەرىس ەنگىزۋگە بولادى:
تەگىن جانە اتىن، اكەسىنىڭ اتىن وزگەرتكەندە؛
اكە بولۋ تۋرالى سوت شەشىمىنىڭ كۇشى جويىلعاندا؛
نەكەدە تۇرماعان انانىڭ تۋۋ تۋرالى اكتىلەردى تىركەۋ كىتابىنا بالانىڭ اكەسى تۋرالى مالىمەتتەر ەنگىزۋ جونىندەگى ءوتىنىشى تۇسكەن جاعدايدا؛
ەگەر ازاماتتىق حال اكتىسىن تىركەۋ كەزىندە قاتە (بۇرمالاۋ، مالىمەتتەردى نەمەسە جەكەلەگەن سوزدەردى تاستاپ كەتۋ) جىبەرىلسە؛
ازاماتتىق حال اكتىلەرى جازبالارىنداعى قاتەلەر سوت تارتىبىمەن انىقتالعاندا؛
نەكەنى بۇزۋعا نەمەسە نەكەنى جارامسىز دەپ تانۋعا بايلانىستى ەرىنىڭ (زايىبىنىڭ) تەگى وزگەرتىلگەندە؛
ۇل (قىز) اسىراپ الۋدىڭ كۇشىن جويۋ نەمەسە ونىڭ كۇشى جوق دەپ تانۋ، سونداي-اق نەكەنىڭ كۇشى جوق دەپ تانۋ تۋرالى سوت شەشىمىنە بايلانىستى؛
ۇلتى وزگەرگەن جاعدايدا؛
اتا-انانىڭ اراسىنداعى نەكەنىڭ توقتاتىلۋىنا نەمەسە نەكەنىڭ جارامسىز تانىلۋىنا بايلانىستى كامەلەتكە تولماعان بالانىڭ تەگىن وزگەرتكەندە جانە تاعى باسقا.
اتالمىش قىزمەتتى ەلەكتروندىق ۇكىمەت پورتالىنىڭ "ازاماتتارعا" - "وتباسى" بولىمىنەن تابۋعا بولادى.
قۇجاتتارعا وزگەرىس ەنگىزۋگە ءوتىنىش بەرۋ ءۇشىن نە ىستەۋ كەرەك:
eGov.kz پورتالىندا اۆتوريزاسيادان ءوتۋ؛
قىزمەتتىن ءتۇرىن تاڭداۋ؛
كۋالىك بەرەتىن حقكو فيليالىن تاڭداۋ؛
وتباسى جاعدايى مەن تابىس كوزىن كورسەتۋ؛
اكتىلىك جازبانىڭ ءنومىرى مەن تىركەلگەن كۇنىن كورسەتۋ، وعان وزگەرىستەر ەنگىزۋ؛
اكت جازباسى ءۇشىن قانداي وزگەرىستەر، تۇزەتۋلەر، تولىقتىرۋلار قاجەتتىگىن كورسەتۋ؛
وزگەرىستەر ەنگىزۋ ءۇشىن راستايتىن قۇجاتتى تىركەۋ؛
تولەم جاساۋ؛
وتىنىشكە قول قويۋ.
قىزمەت ناتيجەسى eGov.kz پورتالىنىڭ مارتەبە پاراعىندا جانە جەكە كابينەتىندە حابارلاما تۇرىندە پايدا بولادى.