“الماتى جاستارى” وڭىرلىك باعدارلاماسى مەگاپوليستە 2017 جىلدان باستاپ ىسكە قوسىلعان. بيىل باعدارلاما اياسىندا 1100 ازاماتقا نەسيە بەرۋ جوسپارلانۋدا.
تۇرعىن ءۇي ساتىپ الۋ مۇمكىندىكتەرى مەن تۇرعىن ءۇي قۇرىلىسى جيناق قاراجاتى جۇيەسى تۋرالى «وتباسى بانك» اق الماتى قالالىق فيليالىنىڭ ديرەكتورى داناگۇل ءتۇسىپوۆا وڭىرلىك كوممۋنيكاسيالار قىزمەتىنىڭ الاڭىندا تولىعىراق ايتىپ بەردى، دەپ حابارلايدى Almaty-akshamy.kz.
ەستەرىڭىزگە سالا كەتەيىك، باعدارلاما 35 جاسقا دەيىنگى الماتىلىقتارعا ءوز پاتەرىن ساتىپ الۋ ءۇشىن جەڭىلدىكپەن قارىز الۋعا مۇمكىندىك بەرەدى. 18 ملن تەڭگەگە دەيىنگى مولشەردەگى قارىز جىلدىق 5% جەڭىلدىكپەن بەرىلەدى.
"بيىل بارلىعى 1100 جۋىق جاس الماتىلىقتاردى قولجەتىمدى شارتتار بويىنشا نەسيەلەۋ جوسپارلانۋدا. ۇمىتكەر ءتىزىمىن قالالىق اكىمدىك قۇردى، ءقازىر ولار تولەم قابىلەتتىلىگىن راستاپ، پاتەر تاڭداۋ پروسەسسىندە. بانك قاتىسۋشىعا زاەم الۋ تۋرالى وڭ شەشىم شىققان كۇننەن باستاپ باسپانا ىزدەۋگە 45 كۇنتىزبەلىك كۇن ۋاقىت بەرەدى. پاتەردى الماتى قالاسىنداعى العاشقى نەمەسە ەكىنشى نارىقتاردان، سونداي-اق «قازاقستان تۇرعىن ءۇي كومپانياسى» اق كەپىلدىگى بار نىسانداردان ساتىپ الۋعا بولادى”، - دەپ اتاپ ءوتتى د.ءتۇسىپوۆا.
الماتى اكىمدىگى مەن “وتباسى بانكىنىڭ” بىرلەسكەن جوباسىنا 35 جاسقا دەيىنگى/تولعان الماتىلىقتار قاتىسا الادى. وتىنىشتەر الماتى قالاسىنداعى مەملەكەتتىك رەسپۋبليكالىق جانە قالالىق ۇيىمداردا جۇمىس ىستەيتىن ازاماتتاردىڭ كەلەسى ساناتتارىنان قابىلدانادى:
- دارىگەرلەر مەن مەدبيكەلەر؛
- مۇعالىمدەر مەن تاربيەشىلەر؛
-ارتىستەر، جازۋشىلار، سۋرەتشىلەر، كومپوزيتورلار، مادەنيەت سالاسىنىڭ قىزمەتكەرلەرى؛
- جاتتىقتىرۋشىلار مەن سپورتشىلار؛
- ۋنيۆەرسيتەتتەر مەن عىلىمي-زەرتتەۋ ينستيتۋتتارىنىڭ وقىتۋشىلارى مەن عىلىمي قىزمەتكەرلەرى؛
- الەۋمەتتىك سالا قىزمەتكەرلەرى مەن قالالىق كوممۋنالدىق قىزمەت ماماندارى؛
- قۇقىق قورعاۋ ورگاندارىنىڭ قىزمەتكەرلەرى (ق ر ءىىم، تجد، قالالىق پروكۋراتۋرا، سىبايلاس جەمقورلىققا قارسى قىزمەت، ەكونوميكالىق تەرگەۋ دەپارتامەنتى)
- جۋرناليستەر مەن ب ا ق قىزمەتكەرلەرى (مەملەكەتتىك جانە كوممەرسيالىق)
ۇمىتكەرلەردىڭ رەسمي جۇمىس ءوتىلى الماتى قالاسىندا سوڭعى جارتى جىلدان كەم بولماۋى ءتيىس.
"ستاتيستيكالىق مالىمەتتەرگە سۇيەنسەك، بۇگىندە ەلىمىزدىڭ ءاربىر ءۇشىنشى تۇرعىنى جاستار ساناتىنا جاتادى. سوندىقتان «وتباسى بانك» وبلىس جانە قالا اكىمدىكتەرىمەن بىرلەسە وتىرىپ، ارنايى جاس وتباسىلاردى قولداۋعا باعىتتالعان باعدارلامالاردى قولعا الدى. قازىرگى ۋاقىتتا 2،6 ميلليون سالىمشى بولاشاق باسپانالارىنا وتباسى بانكىندە قاراجات جيناپ جاتىر، كليەنتتىڭ ورتاشا جاسى – 35 جاس. ياعني، قازاقستاندىق جاستار بىزگە سەنەدى جانە ءقازىر ءبىز ولارعا ءوز ونىمدەرىمىز بەن باعدارلامالارىمىزدى پايدالانا وتىرىپ، ءۇيلى بولامىن دەگەن ارماندارىن جۇزەگە اسىرۋعا كومەكتەسىپ جاتىرمىز"، - دەپ ءبولىستى ول.
سپيكەر اتاپ وتكەندەي، “وتباسى بانكىنىڭ” كليەنتتەرى دەپوزيتتەر اشىپ، ودان ءارى باسپانا ساتىپ الۋ ءۇشىن دەپوزيت اشىپ، سول جەردە قاراجات جيناعاندى ءجون كورەدى. وسى جىلدىڭ باسىنان 273 465 قازاقستاندىق جاڭا جيناق شوتتارىن اشتى.
سپيكەر “وتباسى بانكىمەن” ىسكە اسىرىلاتىن تۇرعىن ءۇي قۇرىلىسى جيناق قاراجاتى جۇيەسى ودان ءارى نەسيەلەۋ ءۇشىن دەپوزيتتە قاراجات جيناۋعا مۇمكىندىك بەرەتىنىن ەسكە سالدى.
"ونىڭ كلاسسيكالىق يپوتەكامەن سالىستىرعانداعى بىرەگەيلىگى مەن ارتىقشىلىعى – بۇل قازاقستاندىقتارعا جىلدىق 3،5%-دان 5%-عا دەيىنگى مولشەرلەمە بويىنشا (جتسم 3،6%-دان باستالادى) كرەديتكە تۇرعىن ءۇي ساتىپ الۋعا مۇمكىندىك بەرەدى. مۇنداي مولشەرلەمەنى بىردە-بىر ەكىنشى دەڭگەيلى بانكتەر ۇسىنبايدى. وسىلايشا، تۇرعىن ءۇي قۇرىلىسى جيناق اقشاسى جۇيەسى يپوتەكالىق تولەمدەردى كوتەرىمدى ەتەدى، ال ارتىق تولەمدى بارىنشا بولدىرمايدى"، – دەدى ول.
تۇرعىن ءۇي قارىزى - بۇل بانكتەگى جيناق اقشا شوتىندا قاراجات جيناۋدى جانە تۇرعىن ءۇي قۇرىلىسى جيناق اقشاسى تۋرالى شارتتىڭ كەلەسىدەي ءۇش تالابىن ورىنداۋدى كوزدەيدى:
- كەم دەگەندە ءۇش جىل جيناقتاۋ؛
- شارتتىق سومانىڭ كەمىندە 50%-ىن جيناقتاۋ؛
- باعالاۋ كورسەتكىشىنىڭ ەڭ تومەنگى مولشەرىنە (16) قول جەتكىزۋ.
دەپوزيتتە قاراجات جيناقتالىپ جاتقاندا، بانك ولارعا جىل سايىن جىلدىق 2% مولشەرىندە سىياقى ەسەپتەيدى جانە 200 اەك-تەن، ياعني 690 000 تەڭگەدەن اسپايتىن سوماعا 20% مولشەرىندە مەملەكەت سىيلىقاقىسى ەسەپتەلەدى. ەگەر بۇل سوما ءبىر جىلدا جينالسا، وندا 2023 جىلى ەڭ كوپ سىيلىقاقى سوماسى 138 000 تەڭگەنى قۇرايدى.
وسىلايشا، شوتتا تۇرعىن ءۇي قۇنىنىڭ 50%-ى جيناقتالسا، جەتىسپەيتىن 50%-ىن بانك جىلدىق 3،5%-دان 5%-عا دەيىنگى مولشەرلەمە بويىنشا (جتسم 3،6%-دان باستالادى) كرەديتكە بەرەدى.
بانك قاراجاتتى ءتيىمدى جيناقتاۋ ءۇشىن وتباسىلىق پاكەتتى پايدالانۋدى ۇسىنادى. بۇل جاعدايدا ءار وتباسى مۇشەسىنە دەپوزيتتەر اشىلادى، سوندا ءار سالىمعا مەملەكەتتىك سىيلىقاقى جەكە-جەكە ءتۇسىپ وتىرادى. نەسيە الۋعا ءوتىنىش بىلدىرەتىن وتباسى مۇشەسىنە نەسيە ءوتىنىمىن بەرمەستەن بۇرىن دەپوزيتتەردى تاعايىنداۋعا جانە بىرىكتىرۋگە بولادى.
سونىمەن قاتار، “وتباسى بانكىنىڭ” اسكەري قىزمەتشىلەرگە ارنالعان “جاڭا باسپانا”، “ءوز ءۇيىم” باعدارلاماسى، “ۇماي” ايەلدەر يپوتەكاسى، “جاسىل يپوتەكا”، “كورپوراتيۆتىك ءونىم” سياقتى جەكە باعدارلامالارى بار.
بۇگىنگى تاڭدا ەل بويىنشا سالىمشىلار سانى 2،6 ملن استى. بيىل جارتىجىلدىقتا وتباسى بانك 28 800 زاەم بەردى.