قاعاز تۇرىندە دە قولجەتىمدى بولمايدى
5-9 مامىر كۇندەرى «ەلەكتروندى ۇكىمەت» پورتالى مەن eGov Mobile قوسىمشاسىندا جىلجىمايتىن مۇلىككە قاتىستى قىزمەتتەر كورسەتىلمەيدى، دەپ حابارلايدى Almaty-akshamy.kz.
«ازاماتتارعا ارنالعان ۇكىمەت» كەاق ءبىرىڭعاي جىلجىمايتىن مۇلىك مەملەكەتتىك كاداسترىنىڭ جاڭا جۇيەسىنە كوشۋ جونىندەگى تەحنيكالىق جۇمىستارىنا بايلانىستى بيىلعى 5-9 مامىر كۇندەرى eGov.kz جانە eGov Mobile پورتالدارىندا جىلجىمايتىن مۇلىك قىزمەتتەرى كورسەتىلمەيدى»، - دەلىنگەن egov.kz سايتىندا.
بۇل ارالىقتا نوتاريۋستان تۇرعىن ءۇي ساتىپ الۋ-ساتۋ شارتىن جانە جىلجىمايتىن مۇلىككە بايلانىستى باسقا دا مامىلەلەردى راسىمدەۋ، تۇرعىن ۇيگە مەنشىك قۇقىعىن تىركەۋ، پاتەردى يپوتەكاعا ساتىپ الۋ كەزىندە كەپىلدى راسىمدەۋ، سونداي-اق كەپىلدى توقتاتۋ، زاڭدى تالاپتار مەن بۇعاتتاۋ، پاتەردە تىركەلۋ، جىلجىمايتىن مۇلىك نىساندارىن تەحنيكالىق تەكسەرۋ، جىلجىمايتىن مۇلىكتى تىركەۋ تۋرالى بارلىق مالىمەتتەردى سۇراۋ قىزمەتى ۋاقىتشا توقتاتىلادى.⠀
سونىمەن قاتار اتالعان قىزمەتتەر بيىلعى 5-9 مامىر ارالىعىندا حالىققا قىزمەت كورسەتۋ ورتالىقتارىندا دا قاعاز تۇرىندە قولجەتىمدى بولمايدى.
«اتالعان كۇندەرى نوتاريۋستار، سالىق، ەكىنشى دەڭگەيلى بانكتەر جانە ق ر ادىلەت مينيسترلىگىنىڭ اتقارۋشىلىق ءىس جۇرگىزۋ ورگاندارى جۇيەلەرىندە جىلجىمايتىن مۇلىكتى راسىمدەۋگە جانە تەحنيكالىق تەكسەرۋگە قۇجاتتاردى قابىلداۋ توقتاتىلادى»، - دەپ جازىلعان حابارلامادا.
ايتا كەتكەن ءجون، 2023 جىلدىڭ 5 ساۋىرىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى سالاسىنداعى مەملەكەتتىك قىزمەتتەردى سيفرلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويىلدى. جەر قاتىناستارى سالاسىندا مەملەكەتتىك قىزمەتتەر كورسەتۋدى اۆتوماتتاندىرۋ ماقساتىندا «ازاماتتارعا ارنالعان ۇكىمەت» مەملەكەتتىك كورپوراسياسى «كەاق» جىلجىمايتىن مۇلىكتىڭ ءبىرىڭعاي مەملەكەتتىك كاداسترى» اقپاراتتىق جۇيەسىن ىسكە قوسادى.