سىبايلاس جەمقورلىق قىلمىسى تۋرالى اقپاراتتى ەندى eGov.kz پورتالى مەن eGov موبايل قوسىمشاسىنان الۋعا بولادى.
قىزمەت ونلاين رەجيمىندە قولجەتىمدى جانە تەگىن كورسەتىلەدى، دەپ حابارلايدى Almaty-akshamy.kz.
جاڭا قىزمەتتىڭ كومەگىمەن سىبايلاس جەمقورلىق قىلمىستىڭ بولۋى نەمەسە بولماۋى تۋرالى مالىمەتتەر الۋعا بولادى:
ازاماتتىق قىزمەتكە كىرۋ كەزىندە؛
كۆازيمەملەكەتتىك سەكتور سۋبەكتىلەرىنە جۇمىسقا ورنالاسۋ كەزىندە.
بۇعان دەيىن مالىمەتتەردى قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتى جانە ونىڭ وڭىرلىك باسقارمالارى ازاماتتاردىڭ جەكە وتىنىشتەرى بويىنشا ە-otinish ازاماتتاردىڭ وتىنىشتەرىن قابىلداۋ مەن وڭدەۋدىڭ ءبىرىڭعاي پلاتفورماسى ارقىلى الۋعا بولاتىن.
مالىمەتتەر جۇمىس بەرۋشىگە ۇسىنىلعاننان كەيىن، جۇمىسقا قابىلداۋ تۋرالى شەشىمدى جۇمىس بەرۋشى قابىلدايدى. ق ر ەڭبەك كودەكسىنە سايكەس، سىبايلاس جەمقورلىق قىلمىس جاساعان ادامدى كۆازيمەملەكەتتىك سەكتور سۋبەكتىلەرىنە جۇمىسقا ورنالاسۋىنا جول بەرىلمەيدى. بۇل جاڭارتۋلار قازاقستان رەسپۋبليكاسى پرەزيدەنتىنىڭ جارلىعى شەڭبەرىندە جۇزەگە اسىرىلعانى ايتىلدى. eGov.kz پورتالىندا جاڭا قىزمەتتى الۋ ءۇشىن پايدالانۋشىلار:
پورتالدا اۆتورلانۋدان ءوتۋ؛
باستى بەتتە «ازاماتتارعا» — «جۇمىسقا ورنالاستىرۋ جانە جۇمىسپەن قامتۋ» — «جۇمىسقا ورنالاستىرۋ جانە جۇمىس ىزدەۋ» ءبولىمىن تاڭداۋ قاجەت؛
«ادامنىڭ سىبايلاس جەمقورلىق قىلمىسى تۋرالى مالىمەتتەر بەرۋ» قىزمەتىن تاڭداپ، «قىزمەتكە ونلاين تاپسىرىس بەرۋ» باتىرماسىن باسۋ قاجەت؛
قىزمەتكە ەسق قويۋ جانە الۋ.
قىزمەت كورسەتۋ مەرزىمى:
10 مينۋت؛
قوسىمشا تەكسەرۋ قاجەت بولعان جاعدايدا – 5 جۇمىس كۇنى؛
قوسىمشا تەكسەرۋ جۇرگىزىلگەن جاعدايدا، 3 جۇمىس كۇنى ىشىندە كورسەتىلەتىن قىزمەتتى بەرۋشى سۇراۋ سالۋدى العان ساتتەن باستاپ 20 جۇمىس كۇنى وتكەن سوڭ قايتا ءوتىنىش بەرۋ قاجەتتىگى تۋرالى ارالىق جاۋاپ جولدانادى.
قىزمەت كورسەتۋ ناتيجەسى — حابارلاما، جەكە كابينەتتە «قىزمەتتەر تاريحى» بولىمىندە تۇپكىلىكتى پروسەستىك شەشىم قابىلدانباعان سىبايلاس جەمقورلىق باپتارى بويىنشا قوزعالعان قىلمىستىق ءىستىڭ بولۋى نە بولماۋى تۋرالى مالىمەتتەر بولادى.
بۇل رەتتە اتالعان قىزمەت ءتۇرى eGov موبايل قوسىمشاسىنىڭ «جۇمىسقا ورنالاستىرۋ جانە جۇمىسپەن قامتۋ» بولىمىندە قولجەتىمدى. مالىمەتتەر eGov mobile-گە حابارلاندىرۋلار بولىمىنە جىبەرىلەدى.