الماتىدا ادامنىڭ ءاتى-جونى مەن تەگىن قالاي وزگەرتۋگە بولاتىنى ايتىلدى.
تۋعانىنان قويىلعان اتىن، تەگىن، ءتىپتى اكەسىنىڭ اتىن ۇناتپايتىن قالا تۇرعىندارى كەزدەسىپ جاتادى، ونىڭ سەبەپتەرى دە ءارتۇرلى. مۇنداي جاعدايدا ادىلەت ورگاندارى ولارعا اتى-جوندەرىن اۋىستىرۋ قىزمەتىن ۇسىنا الادى. جاقىندا بۇل قىزمەتتە وزگەرىستەر بولدى، ول تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالالىق ادىلەت دەپارتامەنتىنىڭ وكىلدەرى ايتتى، دەپ حابارلايدى Almaty-akshamy.kz.
الماتى قالاسى ادىلەت دەپارتامەنتى باسشىسىنىڭ ورىنباسارى بەرىكبول سامەنوۆ نەكە (ەرلى-زايىپتىلىق) جانە وتباسى تۋرالى كودەكسىنىڭ باپتارىنا وزگەرىستەر مەن تولىقتىرۋلاردىڭ ەنگىزىلۋىنە بايلانىستى، اتىن، اكەسىنىڭ اتىن، تەگىن اۋىستىرۋعا بايلانىستى وزگەرتۋگە جاتاتىن مالىمەتتەر تۋۋ تۋرالى، نەكەنى (ەرلى-زايىپتىلىقتى) قيۋ نەمەسە بۇزۋ تۋرالى ءتيىستى اكت جازبالارىنا اتىن، اكەسىنىڭ اتىن، تەگىن اۋىستىرۋ تۋرالى قورىتىندىنىڭ نەگىزىندە ەنگىزىلەتىنىن حابارلادى.
«سونداي-اق وزگەرىستەر نەگىزىندە اتىن، اكەسىنىڭ اتىن، تەگىن اۋىستىرۋ تۋرالى اكت جازباسى تىركەلمەگەندىكتەن، كۋالىك تە بەرىلمەيدى. ياعني تىركەۋشى ورگاندار اتىن، اكەسىنىڭ اتىن، تەگىن اۋىستىرۋ جۇرگىزىلگەنىن راستاۋ ءۇشىن تۋۋ تۋرالى، نەكەنى قيۋ نەمەسە بۇزۋ تۋرالى ءتيىستى كۋالىك بەرەدى»، - دەپ حابارلادى ب.سامەنوۆ.
ازاماتتىق حال اكتىلەرىن تىركەۋ سالاسىنداعى مەملەكەتتىك قىزمەتتەردى وڭتايلاندىرۋ ماقساتىندا ازاماتتارعا ىڭعايلى بولۋ ءۇشىن ازاماتتىق حال اكتىلەرىن تىركەۋدىڭ بارلىق تۇرلەرىن تىركەۋ، قايتالاما كۋالىكتەر مەن انىقتامالار الۋ بويىنشا ەكساۋماقتىق قاعيدات ەنگىزىلدى. وسىعان وراي، ازاماتتاردىڭ وزىنە ىڭعايلى حقكو نەمەسە «ەلەكتروندى ۇكىمەت» www.egov.kz ارقىلى مەملەكەتتىك قىزمەت ستاندارتىنا سايكەس ءوتىنىش بىلدىرۋىنە بولادى.
تىركەۋ قىزمەتى سالاسىنداعى ادىستەمەلىك قامتاماسىز ەتۋ جانە باقىلاۋ باسشىسىنىڭ مىندەتىن اتقارۋشى ءلاززات سىدىقوۆا اتىن، اكەسىنىڭ اتىن، تەگىن اۋىستىرۋ تۋرالى ءوتىنىشتى قاراۋدى تىركەۋشى ورگان، قازاقستان رەسپۋبليكاسىنىڭ شەت ەلدەگى مەكەمەسى قازاقستان رەسپۋبليكاسىنىڭ نەكە-وتباسى زاڭناماسىنا سايكەس جۇرگىزەتىنىن ايتتى.
اتىن، اكەسىنىڭ اتىن، تەگىن اۋىستىرۋدى ون التى جاسقا تولعان جانە اتىن جانە (نەمەسە) اكەسىنىڭ اتىن، تەگىن اۋىستىرۋعا تىلەك بىلدىرگەن ادامنىڭ جەكە ءوتىنىشى بويىنشا تىركەۋشى ورگاندار جۇرگىزەدى.
سونداي-اق، ول اتىن، اكەسىنىڭ اتىن، تەگىن اۋىستىرۋدىڭ دالەلدى سەبەپتەرىن اتادى:
1) اتىنىڭ، اكەسiنiڭ اتىنىڭ، تەگiنiڭ وعاش ەستiلۋi؛
2) اتىنىڭ، اكەسiنiڭ اتىنىڭ، تەگiنiڭ ايتۋعا قيىندىق كەلتىرۋى؛
3) ەگەر نەكەنى (ەرلى-زايىپتىلىقتى) مەملەكەتتىك تىركەۋ كەزىندە نەكەگە دەيىنگى تەكتەرىندە قالسا نەمەسە نەكەنى (ەرلى-زايىپتىلىقتى) مەملەكەتتىك تىركەگەننەن كەيىن جۇبايى (زايىبى) تەگىن باسقاسىنا اۋىستىرسا، جۇبايىمەن (زايىبىمەن) ورتاق تەكتە بولعىسى كەلگەن جۇبايىنىڭ (زايىبىنىڭ) تىلەگى؛
4) ەگەر نەكە (ەرلى-زايىپتىلىق) بۇزىلعان كەزدە بۇل تۋرالى مالىمدەلمەسە، نەكەگە دەيiنگi تەگiن العىسى كەلۋى؛
5) بۇرىنعى نەكەدەن (ەرلى-زايىپتىلىقتان) تۋعان بالالارىمەن ورتاق تەكتە بولعىسى كەلۋىنە بايلانىستى؛
6) جۇبايى قايتىس بولعان جاعدايدا نەكەگە دەيiنگi تەگiن العىسى كەلۋى؛
7) جۇبايى قايتىس بولعان جاعدايدا ءوتiنiش بەرۋشi نەكەگە دەيiنگi تەگiندە بولعاندا، بالالارىمەن ورتاق تەكتە بولعىسى كەلۋى؛
8) ءوتىنىش بەرۋشى تاڭداعان اتا-انالارىنىڭ ءبىرىنىڭ ۇلتىنا (اتا-انالارىنىڭ ۇلتى ءارتۇرلى بولعان كەزدە) سايكەس كەلەتىن اتتى جانە (نەمەسە) تەكتى العىسى كەلۋى؛
9) قۇجاتتارداعى اتىنان وزگەشە، ومىردە ناقتى قالىپتاسقان اتىن العىسى كەلۋى؛
10) ەگەر نەكەگە وتىرعان (ەرلى-زايىپتى بولعان) كەزدە جۇبايىنىڭ تەگى قابىلدانسا، نەكەگە دەيىنگى تەگىن العىسى كەلۋى؛
11) ۇلتتىق داستۇرلەرگە بايلانىستى اكەسiنiڭ نەمەسە اتاسىنىڭ اتى بويىنشا تەكتە بولعىسى كەلۋى؛
12) ءوتىنىش بەرۋشىنى ءىس جۇزىندە تاربيەلەگەن ادامنىڭ تەگى مەن اتى بويىنشا تەكتى جانە (نەمەسە) اكەسىنىڭ اتىن العىسى كەلۋى؛
13) جىنىسىن حيرۋرگيالىق جولمەن وزگەرتكەن كەزدە تاڭداعان جىنىسقا سايكەس كەلەتىن اتتى، اكەسىنىڭ اتىن، تەكتى العىسى كەلۋى كەزىندە جۇرگىزىلەدى.
اتىن، اكەسىنىڭ اتىن، تەگىن اۋىستىرۋ تۋرالى وتىنىشتە كەلەسىدەي مالىمەتتەر قاجەت:
1) ءوتىنىش بەرۋشىنىڭ اتى، اكەسىنىڭ اتى (ەگەر بار بولسا)، تەگى؛
2) تاڭداعان اتى، اكەسىنىڭ اتى، تەگى؛
3) اتىن، اكەسىنىڭ اتىن، تەگىن اۋىستىرۋدىڭ سەبەپتەرى كورسەتىلۋگە ءتيىس.
تىركەۋشى ورگاننىڭ اتىن، اكەسىنىڭ اتىن، تەگىن اۋىستىرۋدان باس تارتۋىنا سوت تارتىبىمەن شاعىم جاسالۋى مۇمكىن.
جۋرناليستەردىڭ ساۋالىنا جاۋاپ بەرگەن ناۋرىزباي اۋداندىق احات ءبولىمىنىڭ باسشىسى ديليارا قيلىبايەۆا ءاتى-جونىن وزگەرتۋدەن باس تارتۋعا قۇجاتتار پاكەتىنىڭ تولىق بولماۋى نەگىز بولۋى مۇمكىن ەكەنىن ايتتى. سونىمەن قاتار، تولىق ءاتى-جونىن وزگەرتۋ ءوتىنىشى جوعارىدا اتالعان بارلىق 13 تارماققا سايكەس كەلۋى كەرەك. ال تۋۋ تۋرالى كۋالىكتە قاتەلەر بولعان جاعدايدا ولاردى تۇزەتۋگە بولادى، ءبىراق بۇل ءقازىردىڭ وزىندە تولىق ءاتى-جونىن وزگەرتۋگە قاتىسى جوق باسقا قىزمەت بولىپ سانالادى.
«تەگىن، اتىن، اكەسىنىڭ اتىن وزگەرتكەننەن كەيىن، ءوتىنىش بەرۋشى، ەڭ الدىمەن، جەكە كۋالىگىن، ءتولقۇجاتىن اۋىستىرىپ، سودان كەيىن جۇرگىزۋشى كۋالىگىن اۋىستىرۋ ءۇشىن مەكەمەلەرگە، بانكتەرگە جۇگىنۋى قاجەت. قاجەت بولعان جاعدايدا نەكە كۋالىگىن جانە بارلىق بالالاردىڭ تۋۋ تۋرالى كۋالىكتەرىن وزگەرتۋ كەرەك. ديپلومداردى اۋىستىرۋدىڭ قاجەتى جوق»، - دەدى د.قيلىبايەۆا.
جىل باسىنان بەرى 2670 الماتىلىق تەگىن اۋىستىرۋعا ءوتىنىش بىلدىرگەن، كوبىنەسە تەگىن ۇلتتىق ءداستۇر بويىنشا اۋىستىرىپ جاتادى.
سيرەك كەزدەسەتىن ەسىمدەرگە قاتىستى جۋرناليستەردىڭ ساۋالدارىنا جاۋاپ بەرگەن سپيكەرلەر زاڭ ازاماتتاردىڭ قيالىنا شەكتەۋ قويمايتىنىن، سوندىقتان اتا-انالار بالالارىنا ءوز تاڭداۋلارىنا قاراي ات قوياتىنىن ايتتى. بيىل ارابشا قويىلعان ەسىمدەر ەرەكشە تانىمال. الماتىلىقتار جاڭا تۋعان سابيلەرىنە اباي، ومار، يسلام، مارك، مۇحاممەد، ءالي، الان، ءالتايىر، حامزا، توميريس، ەلىگاي، زەرە، توعجان، امەليا، رامينا ەسىمدەرىن ءجيى قويادى. ال ۇشەمدەر اراسىندا قاسىم، جومارت، كەمەل اتتى ەسىمدەر دە كەزدەسىپ جاتادى.
ءبىل بەلگىلىسى، ازىرگە احات ورگاندارىنا جاقىندا وتكەن سايلاۋ قۇرمەتىنە ءوز بالالارىن سايلاۋ دەپ اتاۋعا وتىنىشتەر تۇسپەگەن.