وسىلايشا، قاۋىپسىزدىكتىڭ جوعارى دەڭگەيى قامتاماسىز ەتىلەدى
14 ناۋرىزدان باستاپ eGov.kz پورتالىنىڭ پايدالانۋشىلارى ءۇشىن لوگين/پارول جانە ءبىر رەتتىك سمس ارقىلى كىرۋ جەكە-جەكە قولجەتىمسىز بولادى، دەپ حابارلايدى Almaty-akshamy.kz.
Telegram-كانال eGov مالىمەتىنشە، ەندى eGov.kz پورتالىنداعى دەرەكتەر ەكى فاكتورلى اۋتەنتيفيكاسيامەن قورعالادى.
eGov.kz پورتالىنا كىرۋ ءۇشىن پايدالانۋشىلار:
• لوگين / جسن ەنگىزۋ؛
• ءقۇپياسوزدى ەنگىزۋ؛
• ءموبيلدى ازاماتتار بازاسىندا تىركەلگەن تەلەفون نومىرىنە جىبەرىلەتىن ءبىر رەتتىك سمس-كودتى ەنگىزۋ ارقىلى كىرۋدى راستاۋ قاجەت.
وسىلايشا، قاۋىپسىزدىكتىڭ جوعارى دەڭگەيى قامتاماسىز ەتىلەدى.
«ەلەكتروندىق-سيفرلىق قولتاڭبا (ەسق)، بيومەتريا جانە eGov mobile موبيلدىك قوسىمشاسىنىڭ كومەگىمەن QR-كودتى سكانەرلەۋ ارقىلى كىرۋ اۋتەنتيفيكاسيا ادىستەرى وزگەرىسسىز قالادى»، - دەلىنگەن eGov حابارلاماسىندا.
2FA نەمەسە ەكى فاكتورلى اۋتەنتيفيكاسيا – بۇل پايدالانۋشىنى يدەنتيفيكاسيالاۋ ءادىسى. بۇل ءادىس ارقىلى ءسىز ءوزىڭىزدىڭ اككاۋنتىڭىزدىڭ يەسى ەكەنىڭىزدى ەكى ءتۇرلى جولمەن راستاۋىڭىز كەرەك. ونىڭ كومەگىمەن ءسىزدىڭ دەرەكتەرىڭىزگە ءۇشىنشى تۇلعالارعا قول جەتكىزۋ الدەقايدا قيىن.
«پورتالدىڭ قىزمەتتەرىن پايدالانۋ ءۇشىن ازاماتتاردىڭ ءموبيلدى بازاسىندا تىركەلگەن بەلسەندى تەلەفون ءنومىرى بولۋى كەرەك. ءنومىرىڭىز بۇعاتتالعان نەمەسە تىركەلمەگەن جاعدايدا 1414 ءنومىرى بويىنشا call-ورتالىققا حابارلاسىڭىز نەمەسە eGov.kz جەكە كابينەتىندەگى ءنومىردى اۋىستىرىڭىز»، - دەلىنگەن حابارلامادا.